مەملەكەت باسشىسى وزبەكستان تاۋەلسىزدىگىنە 35 جىل تولۋىنا وراي پرەزيدەنت شاۆكات ميرزيويەۆكە قۇتتىقتاۋ جەدەلحاتىن جولدادى، - دەپ حابارلايدى alnews اقورداعا سىلتەمە جاساپ.
پرەزيدەنت ۇلتتىڭ ىنتىماق-بىرلىگىن، ورنىقتى دامۋ مەن ىلگەرىلەۋ جولىنداعى نىق قادامىن ايشىقتايتىن بۇل مەرەكە وزبەك حالقىنىڭ مەرەيىن اسقاقتاتا تۇسەتىنىن اتاپ ءوتتى.
– قازاقستان حالقى باۋىرلاس وزبەكستاننىڭ جەتىستىكتەرىنە رياسىز قۋانادى. ءبىز عاسىرلاردان تامىر تارتاتىن دوستىقتى، تاتۋ كورشىلىك پەن حالىقتارىمىزدىڭ اراسىنداعى ءوزارا قولداۋدى جوعارى باعالايمىز. سان قىرلى ىنتىماقتاستىعىمىز ستراتەگيالىق سەرىكتەستىك پەن وداقتاستىق رۋحىنا ساي بۇرىن-سوڭدى بولماعان دەڭگەيدە دامىپ كەلەدى. بىرلەسكەن جۇمىستى ودان ءارى جانداندىرۋ تابىستارىمىزدى ەسەلەپ، ەلدەرىمىزدىڭ يگىلىگى جولىندا قازاق-وزبەك قارىم-قاتىناسىن جاڭا بيىككە باستايتىنىنا سەنىمدىمىن، – دەپ جازىلعان جەدەلحاتتا.
قاسىم-جومارت توقايەۆ شاۆكات ميرزيويەۆتىڭ جاۋاپتى مەملەكەتتىك قىزمەتىنە تابىس، باۋىرلاس وزبەك حالقىنا باق-بەرەكە تىلەدى.
