مەملەكەت باسشىسى اقش ساۋدا پالاتاسىنىڭ تاياۋ شىعىس، تۇركيا جانە ورتالىق ازيا ىستەرى جونىندەگى اعا ۆيسە-پرەزيدەنتى حۋش چوكسيدى قابىلدادى، - دەپ حابارلايدى اقوردا.
اڭگىمەلەسۋ بارىسىندا مەملەكەت باسشىسى قازاقستاننىڭ پرەزيدەنت دونالد ترامپ اكىمشىلىگىمەن سىندارلى ىقپالداستىقتى نىعايتا تۇسۋگە ءازىر ەكەنىن راستادى. سونداي-اق قازاقستان مەن اقش اراسىنداعى ساۋدا-ەكونوميكالىق جانە ينۆەستيسيالىق سەرىكتەستىكتىڭ ستراتەگيالىق سيپاتىنا ايرىقشا نازار اۋداردى.
پرەزيدەنت قازاقستاننىڭ امەريكالىق بيزنەس ءۇشىن قولايلى ينۆەستيسيالىق كليمات جاساۋعا بەيىل ەكەنىن اتاپ ءوتتى.
قاسىم-جومارت توقايەۆ پەن حۋش چوكسي ىقپالداستىقتى كەڭەيتۋ، سونىڭ ىشىندە اسا ماڭىزدى مينەرالداردى يگەرۋ، ەنەرگەتيكا، سيفرلىق ينفراقۇرىلىم، جاساندى ينتەللەكت، ءوزارا كولىك بايلانىسى، وزىق تەحنولوگيالار، اۋىل شارۋاشىلىعى جانە قارجى قىزمەتتەرى پەرسپەكتيۆاسىن تالقىلادى.
حۋش چوكسي بايلانىستاردى ودان ءارى دامىتۋ الەۋەتىنىڭ جوعارى ەكەنىنە توقتالىپ، ءوزارا قىزىعۋشىلىق تۋدىرعان ءبىرقاتار سالادا بىرلەسكەن جوبالاردى جۇزەگە اسىرۋعا دايىن ەكەنىن جەتكىزدى.
