20 قىركۇيەكتە، قالا كۇنى، بوستاندىق اۋدانىنىڭ قازاقفيلم شاعىناۋدانىندا جاڭارتىلعان دەمالىس كۇنگى جارمەڭكە اشىلادى، - دەپ حابارلايدى alnews.
جاڭعىرتۋدان كەيىن اۋماعى 49 سوتىق بولاتىن جارمەڭكە اۋماعى تولىق كوركەيتىلەدى. مۇندا 112 ساۋدا ورنى قاراستىرىلعان: 100 ورىن – اشىق پاۆيلوندا، 7 ورىن – جابىق پاۆيلوندا جانە تاعى 5 ورىن – فۋدكورت ايماعىندا.
اشىق الاڭدا دەمالىس كۇندەرى اۋىل شارۋاشىلىعى تاۋارىن وندىرۋشىلەر جۇمىسىن جالعاستىرادى. جابىق بولىكتە وتاندىق وندىرۋشىلەر ءوز ءونىمىن تۇراقتى نەگىزدە ساتا الادى.
جاڭعىرتۋ جۇمىستارى جەكە ينۆەستيسيا ەسەبىنەن جۇرگىزىلدى. بۇل رەتتە قولدانىستاعى ساۋدا ورىندارى جارمەڭكەنىڭ قازىرگى قاتىسۋشىلارىنا ساقتالادى.
جارمەڭكە اشىلعاننان كەيىن كوممۋنالدىق نارىقتى اكىمشىلەندىرۋ جانە ۇسىنىلعان باعانىڭ ساقتالۋىن باقىلاۋ جۇمىستارىمەن «الماتى» اكك» اق اينالىسادى.
دەمالىس كۇنگى جارمەڭكە تۇرعىندارعا ونىمدەردى فەرمەرلەر مەن اۋىل شارۋاشىلىعى تاۋارىن وندىرۋشىلەردەن دەلدالسىز تىكەلەي ساتىپ الۋعا مۇمكىندىك بەرەدى. جىل باسىنان بەرى الماتىدا وسىنداي 300-گە جۋىق جارمەڭكە ءوتتى. ولاردا الماتى قالاسى مەن الماتى وبلىسىنىڭ فەرمەرلىك جانە جەكە شارۋاشىلىقتارى وندىرەتىن 1 000-نان استام ءونىم ءتۇرى ۇسىنىلعان.
اسسورتيمەنتتە جاڭا سويىلعان ەت، جۇمىرتقا، كوكونىس پەن جەمىس، قىشقىل ءسۇت ونىمدەرى، شۇجىق ونىمدەرى، بال جانە باسقا دا تاۋارلار بار. قالالىق جارمەڭكەلەرگە اپتا سايىن شامامەن 50 مىڭ ادام كەلەدى.
