قالا كۇنى اياسىندا 18 قىركۇيەكتە الماتىدا «Almaty: Bala.Art – مىڭ بالا» اتتى اۋقىمدى قالالىق بالالار پلەنەرى وتەدى، - دەپ حابارلايدى alnews.
بىرەگەي شىعارماشىلىق جوبا ءبىر الاڭدا 1000 جاس سۋرەتشىنى بىرىكتىرەدى.
ءىس-شارا ساعات 15:00-دان 17:00-گە دەيىن دوستىق داڭعىلى، 124 مەكەنجايىنداعى وقۋشىلار سارايىنىڭ الدىندا وتەدى.
«Almaty: Bala.Art – مىڭ بالا» – الماتى قالاسى ءبىلىم باسقارماسىنىڭ جاڭا مادەني-بىلىم بەرۋ جوباسى. جوبا بالالاردىڭ كوزىمەن مەگاپوليستىڭ تاريحىن، مادەنيەتىن جانە زاماناۋي كەلبەتىن كورسەتۋگە باعىتتالعان. ءبىر مەزەتتە مىڭ جاس الماتىلىق تۋعان قالاسىنا ارنالعان كوركەم تۋىندىلار جاسايدى.
بالالاردىڭ شىعارماشىلىق جۇمىستارىنا الماتىنىڭ تاريحى مەن قالانىڭ ءتۇرلى بەينەلەرى ارقاۋ بولادى. قاتىسۋشىلار ۇلى جىبەك جولى مەن التىن ادام، الماتىنىڭ كونە كوشەلەرى، ايگىلى اپورت، تاۋ شىڭدارى، سۋبۇرقاقتار مەن گۇلزارلار، زاماناۋي مەگاپوليس جانە بولاشاق الماتى تاقىرىپتارىن تۋىندىلارىندا بەينەلەيدى.
جوبا ەكى كەزەڭنەن تۇرادى. 10–15 قىركۇيەك ارالىعىندا قاتىسۋشىلار ءۇشىن تاقىرىپتىق شەبەردىڭ ساباقتارى وتكىزىلەدى. جۇمىس «50/50» فورماتىندا ورىندالادى: جاس سۋرەتشىلەر ەسكيز بەن فوندى الدىن الا دايىنداپ، تۋىندىلارىن 18 قىركۇيەكتە وتەتىن اۋقىمدى قالالىق پلەنەر بارىسىندا اياقتايدى.
ءىس-شارانىڭ باستى وقيعالارىنىڭ ءبىرى «قازاقستانداعى ەڭ اۋقىمدى بالالار پلەنەرى» ۇلتتىق رەكوردىن رەسمي تىركەۋ ءراسىمى. ءبىر مەزەتتە 1000 بالانىڭ قاتىسۋى جوبانىڭ قازاقستان رەكوردتار كىتابىنا (كينەس) ەنۋىنە مۇمكىندىك بەرەدى.
قالا تۇرعىندارى مەن قوناقتارى ءۇشىن «تۋعان كۇنىڭمەن، سۇيىكتى الماتى!» اتتى مەرەكەلىك كونسەرتتىك باعدارلاما دا دايىندالعان.
ءىس-شارانىڭ شارىقتاۋ شەگى الماتى بالالىق شاق ءانۇرانىنىڭ تۇساۋكەسەرى بولماق. جاڭا تۋىندىنى قۇراما بالالار حورى مەن پلەنەر قاتىسۋشىلارى بىرگە ورىندايدى.
پلەنەر سوڭىندا بالالاردىڭ قاتىسۋىمەن سيمۆولدىق كومپوزيسيا جاسالادى: جاس سۋرەتشىلەر «Almaty: Bala.Art – مىڭ بالا» سيمۆوليكاسى بەينەلەنگەن ۇلكەن ماتانى جايادى. ول بالالار شىعارماشىلىعىن، بىرلىك پەن تۋعان قالاعا دەگەن سۇيىسپەنشىلىكتى بەينەلەيدى.
وتەتىن كۇنى: 18 قىركۇيەك 2026 جىل
ۋاقىتى: 15:00-17:00
وتەتىن ورنى: دوستىق داڭعىلى 124، وقۋشىلار سارايىنىڭ الاڭى
