الماتىداعى اباي الاڭىندا 19 قىركۇيەكتە قالا كۇنىنە ارنالعان مەرەكەلىك كونسەرت وتەدى، - دەپ حابارلايدى alnews.
كونسەرتتىك باعدارلاما اياسىندا قازاقستانداعى العاشقى تاۋەلسىز سيمفونيالىق وركەسترلەردىڭ ءبىرى Ne Prosto Orchestra ونەر كورسەتەدى. ديريجەر – ماەسترو ماديار تويبولدى.
اشىق اسپان استىندا وتەتىن كونسەرت بارىسىندا وركەستردىڭ ۇزدىك شىعارمالارى ورىندالادى. كەشتىڭ ەرەكشە مۋزىكالىق ءساتى روزا رىمبايەۆا مەن «دوس-مۇقاسان» توبىنىڭ الماتى تۋرالى تانىمال اندەردى دۋەت بولىپ ورىنداۋى بولماق.
مەرەكەلىك كونسەرت قالا تۇرعىندارى مەن قوناقتارىنا جاندى مۋزىكا مەن تانىمال شىعارمالاردى سيمفونيالىق ورىنداۋدا تاماشالاۋعا مۇمكىندىك بەرەدى.
الماتى تۇرعىندارى مەن قالا قوناقتارىن قالا كۇنىنە ارنالعان مەرەكەلىك كونسەرتكە شاقىرامىز.
وتەتىن ورنى: اباي الاڭى
كۇنى: 19 قىركۇيەك
باستالۋى: 19:00
