Instagram جەلىسىندە ميلليونعا جۋىق وقىرمانى بار بريتاندىق تريەۆەل-فوتوگراف ءارى بلوگەر دجوردج كۋپەر الماتىنىڭ تۋريستىك كورىكتى جەرلەرىمەن تانىستى، - دەپ حابارلايدى alnews.
ساپار Almaty Tourism Bureau ۇيىمىنىڭ قولداۋىمەن ۇيىمداستىرىلىپ، قالانى شەتەلدىك اۋديتوريا اراسىندا ناسيحاتتاۋعا باعىتتالعان. بۇل تۋرالى الماتى قالاسى تۋريزم باسقارماسىنىڭ وكىلدەرى حابارلادى.
ساپار باعدارلاماسىنا مەدەۋ، شىمبۇلاق، كوكتوبە جانە ۆوزنەسەنسك كافەدرالدى شىركەۋى كىردى. بريتاندىق ساياحاتشى الماتىنىڭ تابيعي كورىكتى جەرلەرىن، تاريحي ساۋلەت ەسكەرتكىشتەرىن جانە تۋريستىك ينفراقۇرىلىمىن تاماشالادى.
دجوردج كۋپەر تابيعات كورىنىستەرىن سۋرەتكە تۇسىرۋگە، ساياحات، تابيعات جانە ەرەكشە تۋريستىك باعىتتار تۋرالى كونتەنت جاساۋعا ماماندانعان. ونىڭ جازبالارى حالىقارالىق اۋديتوريانىڭ قىزىعۋشىلىعىن تۋدىرىپ كەلەدى.
ساپار قورىتىندىسى بويىنشا بلوگەر الەۋمەتتىك جەلىلەردە الماتى تۋرالى فوتوسۋرەتتەر مەن بەينەروليكتەر جاريالاۋدى جوسپارلاپ وتىر. ول وقىرماندارىنا قالانىڭ تاۋ باعىتتارىن، كورىكتى جەرلەرىن جانە دەمالىس مۇمكىندىكتەرىن تانىستىرماق.
2026 جىلى الماتىعا كەلەتىن شەتەلدىك تۋريستەر سانى 800 مىڭ ادامنان اسادى دەپ بولجانىپ وتىر.
