الماتى بەلسەندى دەمالىس پەن سپورتتى ۇناتاتىنداردىڭ عانا ەمەس، الەمدىك گاسترونوميا وكىلدەرىنىڭ دە نازارىن اۋدارىپ كەلەدى، - دەپ حابارلايدى alnews.
Almaty Open ATP 250 حالىقارالىق تەننيس ءتۋرنيرى اياسىندا قالاعا فرانسياداعى Michelin جۇلدىزىنىڭ ءۇش مارتە يەگەرى اتانعان ەڭ جاس اسپاز فابەن فەررە كەلدى.
ساپار بارىسىندا تانىمال اسپاز ءتۋرنيردىڭ قۇرمەتتى قوناقتارىنا ارناپ اۆتورلىق تاعام دايىنداپ، ءوزىنىڭ گاسترونوميالىق ۇستانىمىن تانىستىردى. سونداي-اق Almaty Open ءتۋرنيرىنىڭ ماچتارىن تاماشالاپ، قالامەن تانىستى.
فابەن فەررەنىڭ نازارىن جەرگىلىكتى ونىمدەر مەن ولاردىڭ زاماناۋي اسۇيدە قولدانۋ مۇمكىندىكتەرى اۋداردى. ونىڭ پىكىرىنشە، الماتىدا ەرەكشە ءدامى بار تاعامدار ازىرلەۋگە قاجەتتى ونىمدەر جەتكىلىكتى. سونداي-اق فرانسۋز اسپازى قالا تۇرعىندارىنىڭ قوناقجايلىعىنا جوعارى باعا بەردى. ايتا كەتەيىك، بۇل – ونىڭ الماتىعا ەكىنشى ساپارى.
فابەن فەررە قازاقستاننىڭ گاسترونوميالىق ءتۋريزمدى دامىتۋعا زور مۇمكىندىگى بار ەل ەكەنىنە توقتالدى. ونىڭ ايتۋىنشا، ەلىمىزدە جەرگىلىكتى ونىمدەر مەن ۇلتتىق اسحانانىڭ وزىندىك ەرەكشەلىكتەرىنە نەگىزدەلگەن دەربەس گاسترونوميالىق باعىتتى قالىپتاستىرۋعا بارلىق العىشارت بار.
الماتى مەيرامحانالارى دا حالىقارالىق دەڭگەيدە تانىلىپ كەلەدى. قالاداعى ءبىرقاتار مەيرامحانا The World’s 50 Best Discovery، La Liste جانە WHERETOEAT INTERNATIONAL رەيتينگتەرىنە ەنىپ، Tatler Best Kazakhstan سىيلىعىمەن ماراپاتتالعان. الەمگە تانىمال اسپازداردىڭ الماتى گاسترونومياسىنا قىزىعۋشىلىق تانىتۋى قالانىڭ حالىقارالىق تۋريستىك كارتاداعى ورنىن نىعايتۋعا جانە ونى جاڭا قىرىنان تانىتۋعا جول اشادى.
