سۇحبات جان-جاقتى ءوربىدى. ءوزى تاربيەلەپ وسىرگەن شاكىرتى جانداربەك تە سۇراقتى ۇستى-ۇستىنە قويىپ، كەيىپكەرىنىڭ شىنايى سويلەۋىنە يتەرمەلەدى. سوندىقتان بولار ءجۇرسىن اعامىز دا ويىن اشىق ايتۋعا تىرىستى.
- دىنمۇحامەد احمەت ۇلى قونايەۆتىڭ 100 جىلدىعى بولدى عوي اعا. وتە ءبىر قيىن ءوتتى سول ايتىس. قۇزىرلى ورگانداردىڭ كۇزەتۋىمەن ءوتتى. سول جەردە ساحنا سىرتىندا ەستىدىم، قانشالىقتى راس-وتىرىگىن؟ ساحنادا ءشاي قۇيىپ جۇرگەن قىزداردىڭ بارلىعى ۇقك قىزمەتكەرلەرىنىڭ قىزدارى ەكەن دەپ. سول راس پا؟
- بۇل بوس ءسوز. ساحنادا ءشاي قۇيىپ جۇرەتىن قىزداردى ءبىز ءوزىمىز شاقىراتىنبىز تاڭداپ. كىشكەنە بويى-باسى ءتۇزۋ. ۇلتتىق كيىممەن. ونداي اڭگىمە جوق. قونايەۆقا ارناپ ەكى رەت ايتىس وتكىزدىك عوي. قونايەۆتىڭ مەرەيتويىنا بايلانىستى. ەكەۋى دە قيىن ءوتتى. بالۋان شولاق سارايىندا وتكىزدىك بىرەۋىن. سارايدىڭ سىرتىنا 72 شارشى مەتر قونايەۆتىڭ سۋرەتىن ءىلىپ قويدىق. «قونايەۆتاي ەر قايدا؟»، - دەپ. سونى العىزدى عوي. الماتى قالاسىنىڭ بيلىگىندە وتىرعاندار. ال دەيدى. الدىردى. نە ىستەيسىڭ؟ قونايەۆتاي تۇلعانىڭ ايتىسى دۇركىرەپ ءوتتى. اقىندار دا بارىن سالىپ تىرىسىپ باقتى.
ال مەن ءوز باسىم سول قونايەۆتى سونشاما ۇلى ادام دەپ ەسەپتەمەيمىن. ويتكەنى جىبەرگەن كوپ قاتەلىكتەرى بار. كەكشىلدىككە سالىنعان كەزدەرى بولدى. مىناۋ ارقادان شىققان كورنەكتى قايراتكەرلەردى قىزمەتكە قويماي، قۋدالادى. ەۆنەي بۋكەتوۆتى، قانىش ساتپايەۆتى قۋدالادى. كىتابىن شىعارتپادى. سول مەنىڭ كوڭىلىمە دىق ەتە قالادى. ءبىراق قالاي بولعاندا دا قازاققا ەڭبەگى سىڭگەن ادام. ءبىز ءبارى بىردەي جاقسى بولسا دەيمىز. ءبىراق ونداي بولمايدى عوي. ءبىر ءىسى ناشار، ءبىر ءىسى ءتاۋىر بولدى. سونى ەسكەردىك. «قونايەۆتاي ەر قايدا؟» دەگەن ايتىس سودان شىقتى، - دەپ جاۋاپ بەردى ءجۇرسىن ەرمان.
سونىمەن، د.قونايەۆ ج.ەرمان ايتقانداي قايراتكەرلەرگە قىساستىق جاسادى ما؟ ءسىز قالاي ويلايسىز؟
