جاساندى زەردەنىڭ (جاساندى ينتللەكت) ەمتيحان سىناقتارىن كادىمگى ادامداردان جاقسى تاپسىرا الاتىنى ءمالىم بولدى. بريتانيانىڭ رەدينگ ۋنيۆەرسيتەتى جۇرگىزگەن سىناقتا ChatGPT بوتى ستۋدەنتتەردەن جوعارى ناتيجە كورسەتە العان.
زەرتتەۋ بارىسىندا جاساندى زەردەنىڭ پسيحولوگيا سىندى پاندەردەن بەرىلگەن ساۋالدارعا كادىمگى ستۋدەنتتەرمەن بىردەي جاۋاپ بەرە الاتىن بولسا، ال شىعارماشالىق جۇمىستارعا كەلگەندە ءتىپتى دە جوعارى ناتيجە كورسەتە الاتىنىن ءمالىم بولعان. ءتىپتى، ChatGPT جاۋاپتارىن شىنايى ادامداردىڭ جاۋاپتارىنان اجىراتۋ مۇلدە مۇمكىن ەمەس.
عىلىمي زەرتتەۋ الىپ بارعان ماماندار الاڭداۋشىلىق بىلدىرۋدە. سەبەبى، جوعارى وقۋ ورنىنىڭ سىناق ەمتيحاندارىندا جاساندى زەردە شىنايى ادامداردان جوعارى بالل الا الادى. بۇل دەگەنىمىز بولاشاقتا ادامداردىڭ ءبىلىم دەڭگەيىن سىناۋدا ۇلكەن الدامشىلىقتارعا مۇمكىندىك بەرەدى دەگەن بولجامعا باستايدى. ءبىتىرۋشى ستۋدەنتتەر نەمەسە تالاپكەرلەر جاساندى زەردەنىڭ كومەگىمەن قالاعانىنداي ناتيجە الا الاتىن بولسا، بۇل ءبىلىم سالاسىنداعى جانە عىلىم سالاسىندا ۇلكەن ماسەلەلەردى جاراتۋى مۇمكىن.
ءقازىردىڭ وزىندە دامىعان ەلدەردە ستۋدەنتتەردىڭ جاساندى ينتەللەكت كومەگىمەن سىناق ەمتيحاندارىن تاپسىرىپ، نەمەسە شىعارماشىلىق جۇمىستارىن، ديپلومدىق جۇمىستارىن جازۋ ماسەلەسى كوپ تالقىعا تۇسۋدە. كەيبىر ەلدەر بۇعان قاتىستى قاتاڭ زاڭ تالاپتارىن بەكىتۋدى قولعا الا باستاعان. بۇل ءۇردىس كوپ ۇزاماي ەلىمىزدەگى ءبىلىم سالاسىندا دا جاڭا ماسەلەلەر پايدا قىلۋى مۇمكىن.
