الماتىنىڭ مەدەۋ اۋدانىندا «حالىق قاتىساتىن بيۋدجەت» باعدارلاماسى اياسىندا جەر بەدەرى كۇردەلى ۋچاسكەلەردەگى جۇرگىنشى باعىتتارى كورىكتەندىرىلدى، - دەپ حابارلايدى alnews.
جەر بەدەرىنىڭ ەرەكشەلىگى ەسكەرىلىپ، تۇرعىنداردىڭ ءقاۋىپسىز ءارى قولايلى ءجۇرىپ-تۇرۋىنا ەرەكشە نازار اۋدارىلدى. بيىكتىك دەڭگەيى اركەلكى اۋماقتارداعى وزدىگىنەن پايدا بولعان سوقپاقتاردىڭ ورنىنا كوركەيتىلگەن باسپالداقتار سالىندى.
جاڭا باسپالداقتار سۇلۋساي شاعىناۋدانىندا، ءال-فارابي داڭعىلىندا جانە روزا باعلانوۆا كوشەسىندە ورناتىلدى. اتاپ ايتقاندا، سۇلۋساي شاعىناۋدانىندا ۇزىندىعى 120 مەتر مەتالل باسپالداق سالىندى، ءال-فارابي داڭعىلىندا ەكى جاعىنان جالپى ۇزىندىعى 200 مەتر بولاتىن باسپالداقتار ورناتىلدى، ال روزا باعلانوۆا كوشەسىندە شامامەن 40 مەتر باسپالداق جاسالدى.
سونىمەن قاتار جوبا اياسىندا شىعىس اينالما اۆتوموبيل جولىنىڭ بويىنداعى جانە شىعىس اينالما اۆتوموبيل جولى مەن ديۆايەۆ كوشەسىنىڭ قيىلىسىنداعى قولدانىستاعى باسپالداقتار جوندەلدى.
بارلىق جۇمىس اياقتالدى. كوركەيتىلگەن باسپالداقتار مەدەۋ اۋدانى تۇرعىندارىنىڭ كۇندەلىكتى ءجۇرىپ-تۇرۋىن، اسىرەسە بيىكتىك ايىرماسى ايقىن ۋچاسكەلەردە، بارىنشا قولايلى ءارى ءقاۋىپسىز ەتەدى.
جالپى مەدەۋ اۋدانىندا «حالىق قاتىساتىن بيۋدجەت» جوباسىن ىسكە اسىرۋ اياسىندا قالالىق ورتانى كورىكتەندىرۋ مەن دامىتۋعا باعىتتالعان 30 جوبا قاراستىرىلعان. ونىڭ ىشىندە اۆتوماتتى سۋارۋ جۇيەسىن ورناتۋ ارقىلى كوگالداندىرۋ بويىنشا 16 جوبا، قوعامدىق كەڭىستىكتەردى كوركەيتۋ بويىنشا 8 جوبا جانە اۋلا اۋماقتارىن جوندەۋ بويىنشا 6 جوبا بار.
