ەسەنتاي وزەنىنىڭ جاعالاۋىندا اۆتورلىق «تاۋىس» كومپوزيسياسى الماتىلىقتار مەن قالا قوناقتارىنىڭ نازارىن وزىنە اۋدارىپ وتىر، - دەپ حابارلايدى alnews.
Eco Almaty ماماندارىنىڭ مالىمەتىنشە، بيىكتىگى 2،5 مەتر بولاتىن كولەمدى توپيارلىق كومپوزيسيا سەرۋەندەۋ ايماعى بويىمەن 30 مەترگە سوزىلعان.
تاۋىستىڭ گۇلدەن جاسالعان قاۋىرسىندارى سەلوزيا، پەتۋنيا، سينەراريا جانە التەرنانتەرا گۇلدەرىنەن قۇراستىرىلعان. ءتۇرلى وسىمدىكتەر مەن قانىق تۇستەردىڭ ۇيلەسىمى كومپوزيسياعا ەرەكشە ءسان بەرىپ، جاعالاۋداعى ەڭ كورىكتى نىسانداردىڭ بىرىنە اينالدىرعان.
«تاۋىس» سۇلۋلىقتىڭ، اسەمدىك پەن تابيعاتتىڭ الۋان تۇرلىلىگىنىڭ سيمۆولى رەتىندە جاسالعان. كومپوزيسيا قوعامدىق كەڭىستىكپەن ۇيلەسىم تاۋىپ، ەسەنتاي جاعالاۋىنداعى كوپشىلىك سۋرەتكە تۇسەتىن تانىمال ورىنداردىڭ بىرىنە اينالدى.
گۇلدەن جاسالعان تاۋىستى تاۋلى قىرات شاعىناۋدانىنداعى ەسەنتاي وزەنىنىڭ جاعالاۋىنان كورۋگە بولادى.
