«بارىس» دەمالىس ورتالىعىنىڭ تاربيەلەنۋشىسى يزباكييەۆ تيمۋر جاسوسپىرىمدەر اراسىنداعى ASKHATOV OPEN دزيۋدو تۋرنيرىندە كۇمىس جۇلدەگە 🥈 يە بولدى، - دەپ حابارلايدى alnews.
اتالعان جارىس ۇزدىك جاس سپورتشىلاردىڭ باسىن قوسىپ، قاتىسۋشىلار جوعارى دايىندىق دەڭگەيىن، سپورتتىق شەبەرلىگىن جانە جەڭىسكە دەگەن ۇمتىلىسىن كورسەتتى. تيمۋر يزباكييەۆ ءبىرقاتار بەلدەسۋلەردى سەنىمدى وتكىزىپ، تەحنيكالىق دايىندىعى مەن ەرىك-جىگەرىن تانىتا وتىرىپ، فينالعا جولداما الىپ، ەكىنشى ورىنعا تۇراقتادى.
ايتا كەتەيىك، بۇگىندە الماتى قالاسىندا شامامەن 100 دەمالىس ورتالىعى جۇمىس ىستەيدى. بۇل ورتالىقتاردا بالالار مەن جاستار ءۇشىن سپورت، شىعارماشىلىق، IT، عىلىم جانە تۇلعالىق دامۋ باعىتتارى بويىنشا تەگىن ۇيىرمەلەر مەن سەكسيالار ۇيىمداستىرىلعان. دەمالىس ورتالىقتارى جاستاردىڭ ءوزىن-وزى دامىتۋىنا قولايلى ورتا قالىپتاستىرىپ، قابىلەتتەرىن اشۋعا جانە بەلسەندى ومىرلىك ۇستانىمىن قالىپتاستىرۋعا ىقپال ەتەدى.
دەمالىس ورتالىقتارى جوباسى الماتى قالاسى جاستار ساياساتى باسقارماسىنىڭ قولداۋىمەن جۇزەگە اسىرىلىپ، بالالار مەن جاستاردىڭ جان-جاقتى دامۋىنا جاعداي جاساۋعا، سونداي-اق سالاۋاتتى ءومىر سالتىن ناسيحاتتاۋعا باعىتتالعان.
