بۇگىن «اق جول» دەموكراتيالىق پارتياسىنىڭ ورتالىق كەڭسەسىندە پارتيانىڭ ۇلتتىق كەڭەسىنىڭ پلەنۋمى ءوتتى. وندا قاتىسۋشىلار پارلامەنتتىك فراكسيانىڭ جاڭا كونستيتۋسيا جوباسىن قولداۋ جونىندەگى ۇسىنىسىن تالقىلادى، - دەپ حابارلايدى alnews.
پارتيا ءتوراعاسى ازات پەرۋاشيەۆ 2025 جىلدىڭ قىركۇيەگىنەن باستاپ اۋەلى پارلامەنتتىك رەفورما جونىندەگى جۇمىس توبىنىڭ، كەيىننەن كونستيتۋسيالىق كوميسسيانىڭ قۇرامىندا جاڭا كونستيتۋسيا جوباسى بويىنشا اتقارىلعان جۇمىستار جايىندا باياندادى. جوبانىڭ نەگىزگى ەرەجەلەرىن «اق جول» دەمپارتياسى فراكسياسىنىڭ مۇشەسى، ق ر پارلامەنتى ءماجىلىسىنىڭ ۆيسە-سپيكەرى دانيا ەسپايەۆا تانىستىردى.
تالقىلاۋ بارىسىندا پارتيا ءتوراعاسىنىڭ ورىنباسارى، ءماجىلىس دەپۋتاتى قازىبەك يسا، ءماجىلىس دەپۋتاتى سەرىك ەرۋبايەۆ، پارتيانىڭ پارلامەنتتىك فراكسياسى اپپاراتىنىڭ باسشىسى بەرىك دۇيسەمبينوۆ، «اق جول» دەمپارتياسىنىڭ استانا قالالىق فيليالىنىڭ ءتوراعاسى، ءماسليحات دەپۋتاتى اسقار سماعۇلوۆ، قىزىلوردا وبلىستىق فيليالىنىڭ ءتوراعاسى، دەپۋتات ءارى وبلىستىق ءماسليحات كوميسسياسىنىڭ ءتوراعاسى باۋىرجان ساندىبايەۆ، الماتى وبلىستىق فيليالىنىڭ ءتوراعاسى مەيراش شىناسيلوۆا، قاراعاندى وبلىستىق فيليالىنىڭ ءتوراعاسى، وبلىستىق ءماسليحات دەپۋتاتى ەرمەك ءابىلدين، اقمولا وبلىستىق فيليالىنىڭ ءتوراعاسى، دەپۋتات ءارى وبلىستىق ءماسليحات كوميسسياسىنىڭ ءتوراعاسى سايات سىزدىقوۆ، جەتىسۋ وبلىستىق فيليالىنىڭ ءتوراعاسى، دەپۋتات ءارى وبلىستىق ءماسليحات كوميسسياسىنىڭ ءتوراعاسى ەرمەك ەگiنبايەۆ جانە تاعى دا باسقا پارتيا مۇشەلەرى ءسوز سويلەدى.
ءسوز العاندار قابىلدانىپ جاتقان شەشىمدەردىڭ دۇرىستىعىن دالەلدەيتىن جەكە جۇمىس تاجىريبەلەرىمەن ءبولىستى (مىسالى، «پارلامەنتتىك وپپوزيسيا تۋرالى» زاڭ جوباسىن ىلگەرىلەتۋ، سەناتتى جويۋ ماسەلەسى توڭىرەگىندەگى كوپجىلدىق پىكىرتالاستار، پارتيالىق تىزىمدەر بويىنشا سايلاۋدىڭ ارتىقشىلىقتارى جانە ت.ب.)، سونداي-اق، قوعامدا تالقىلانىپ جاتقان كونستيتۋسيالىق رەفورما ماسەلەلەرى بويىنشا ءوز پىكىرلەرىن ءبىلدىردى.
ۇلتتىق كەڭەس مۇشەلەرى جاڭا كونستيتۋسيا جوباسىن ءبىراۋىزدان قولداپ، رەداكسيالىق سيپاتتاعى ءبىرقاتار ۇسىنىستارىن ءبىلدىردى. بۇل ۇسىنىستار كونستيتۋسيالىق كوميسسيانىڭ حاتشىلىعىنا جولداناتىن بولادى.
