ابىلاي حان داڭعىلى
داڭعىل قالانىڭ جەتىسۋ جانە المالى اۋداندارىنىڭ اۋماعىندا ورنالاسقان. ول سولتۇستىكتەن وڭتۇستىككە قاراي الماتى-2 تەمىرجول بەكەتىنەن باستالىپ، اباي داڭعىلىندا ورنالاسقان ۇلتتىق كىتاپحانا عيماراتىنا بارىپ تىرەلەدى. داڭعىلدىڭ ۇزىندىعى – 4200 مەتر.
بۇرىنعى اتاۋى ۆوكزال، ستالين جانە ستاروكلادبيششەنسكايا، كەيىنىرەك كوممۋنيستيچەسكايا اتالعان كوشەگە 23.10.1991 كۇنى الماتى قالاسى اكىمىنىڭ № 15/398 شەشىمىمەن قازاقتىڭ ۇلى حانى، مەملەكەت قايراتكەرى ابىلاي حاننىڭ ەسىمى بەرىلگەن. داڭعىل ەكى باعىتتى جول ساناتىندا.
داڭعىل 1935-37 جىلدارى كوشەنىڭ باتىس جاعىندا ءۇش حالىق كوميسسارياتىنىڭ عيماراتى سالىنعان كەزدەن پايدا بولا باستادى. الماتى قالاسى استانا بولعان كەزەڭدە داڭعىل بويىندا قازسسر ۇكىمەت ءۇيى، قازاقستان كپ الماتى وبكومى، حالىق دەپۋتاتتارى سوۆەتىنىڭ وبلىستىق جانە قالالىق اتقارۋ كوميتەتتەرى، دەنساۋلىق ساقتاۋ، ەت جانە ءسۇت ونەركاسىبى، ساۋدا، قارجى اۋىلشارۋاشىلىق مينيسترلىكتەرى، قازاقستان جازۋشىلار وداعى، قازتاگ، قازسسر حالىقتىق باقىلاۋ كوميتەتى، ورىس دراما تەاترى، الماتى رەستورانى، استانالىق گاسترونومى ورنالاسقان بولاتىن.
داڭعىلمەن قيىلىساتىن كوشەلەر:
رايىمبەك داڭعىلى،
م.مامەتوۆا،
م.ماقاتايەۆ،
جىبەك جولى،
ايتەكە بي،
قازىبەك بي،
تولە بي،
بوگەنباي باتىر،
قاراساي باتىر،
قابانباي باتىر،
جامبىل،
شيەۆچەنكو،
قۇرمانعازى،
اباي داڭعىلى.
داڭعىل بويىنداعى ەسكەرتكىشتەر:
ابىلاي حان ەسكەرتكىشى.
س.د. لۋگانسكيي ءبيۋستى.
امانگەلدى يمانوۆ ەسكەرتكىشى.
عابيت مۇسىرەپوۆ ءبيۋستى.
داڭعىل بويىمەن قاتىنايتىن قوعامدىق كولىكتەر:
اۆتوبۋستار: 4، 7، 10، 11، 12، 13، 17، 50، 54، 59، 69، 92، 99، 100، 119، 129، 133، 141، 208.
تروللەيبۋستار: 5، 6.
داڭعىل بويىندا ورنالاسقان كورنەكى عيماراتتار:
الماتى 2 ۆوكزالى
ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى.
قازاقستان-رەسەي مەديسينا ۋنيۆەرسيتەتى،
ورتالىق امبەباپ دۇكەن.
«امانات» پارتياسىنىڭ قالالىق كەڭسەسى.
المالى اۋداندىق اكىمدىگى.
«قازاقكونسەرت» بىرلەستىگى.
الماتى قالالىق مەملەكەتتىك كىرىستەر دەپارتامەنتى.
قازاق سسر جوعارى كەڭەسىنىڭ عيماراتى، قازىرگى قازاق-بريتان تەحنيكالىق ۋنيۆەرسيتەتى.
«بالالار الەمى» دۇكەنى
قازاقستان جازۋشىلار وداعىنىڭ ءۇيى.
قۇرمانعازى اتىنداعى قازاق ۇلتتىق كونسەرۆاتورياسى.
«ستوليچنىي» دۇكەنى.
«تيۋبەتەيكا» شايحاناسى.
«التىن الما» بيزنەس ورتالىعى.
يۋ.لەرمونتوۆ اتىنداعى ورىس دراما تەاترى.
