الماتىنىڭ تۋريزم سالاسىنا سالىنعان ينۆەستيسيا كولەمى سوڭعى سەگىز جىلداعى ەڭ جوعارى كورسەتكىشكە جەتتى، - دەپ حابارلايدى alnews.
بۇل تۋرالى الماتى قالاسى تۋريزم باسقارماسىنىڭ وكىلدەرى ايتتى.
2026 جىلى قاڭتار-شىلدە ايلارىندا تۋريزم سالاسىنداعى نەگىزگى كاپيتالعا 137،8 ملرد تەڭگە ينۆەستيسيا تارتىلدى. بۇل وتكەن جىلدىڭ وسى كەزەڭىمەن سالىستىرعاندا 37،3%-عا جوعارى.
اسىرەسە، 2019 جىلى قاڭتار-شىلدە ايلارىمەن سالىستىرعاندا الماتىنىڭ تۋريزم سالاسىنا سالىنعان ينۆەستيسيا كولەمى شامامەن 2،8 ەسە ارتقانى بايقالادى.
قاراجاتتىڭ نەگىزگى بولىگى جولاۋشىلاردى جەرۇستى جانە اۋە كولىگىمەن تاسىمالداۋدى، ونەر، ويىن-ساۋىق جانە دەمالىس نىساندارىن، قوناق ءۇي ينفراقۇرىلىمىن دامىتۋعا، سونداي-اق اۆتوكولىكتى جالعا بەرۋ جانە ليزينگ قىزمەتتەرىنە باعىتتالدى.
ينۆەستيسيا كولەمىنىڭ ەڭ جوعارى ءوسىمى اۆتوكولىكتى جالعا بەرۋ جانە ليزينگ، جولاۋشىلار تاسىمالى، ونەر، ويىن-ساۋىق جانە دەمالىس باعىتتارىندا بايقالدى.
بۇل كورسەتكىش الماتىدا تۋريزم يندۋسترياسىنىڭ جاڭا دەڭگەيگە كوتەرىلىپ كەلە جاتقانىن كورسەتەدى. كاسىپكەرلەر قارجىنى تەك قوناق ۇيلەر مەن تۋريستىك نىساندارعا عانا ەمەس، ولارمەن بايلانىستى كولىك، موبيلدىلىك، قوناقجايلىق، ويىن-ساۋىق جانە دەمالىس ينفراقۇرىلىمىنا دا باعىتتاپ وتىر.
قالادا تۋريستەر ءۇشىن قولايلى جاعداي جاسالىپ، ولاردىڭ الماتىدا ۇزاقتاۋ بولۋىنا مۇمكىندىك بەرەتىن زاماناۋي تۋريستىك ەكوجۇيە قالىپتاسىپ كەلەدى. بۇل رەتتە كورسەتىلەتىن قىزمەت تۇرلەرى دە كەڭەيىپ، قالا تۇرعىندارى مەن قوناقتارىنا ارنالعان جاڭا مۇمكىندىكتەر پايدا بولىپ وتىر.
جەتى ايدا سالىنعان 137،8 ملرد تەڭگە بيزنەستىڭ الماتىنىڭ تۋريستىك الەۋەتىنە دەگەن سەنىمىنىڭ ايقىن كورسەتكىشى. سونىمەن قاتار بۇل ءتۋريزمنىڭ قالا ەكونوميكاسىن دامىتۋدىڭ بولاشاعى زور باعىتتارىنىڭ بىرىنە اينالىپ كەلە جاتقانىن اڭعارتادى.
ينۆەستيسيالىق بەلسەندىلىكتىڭ ساقتالۋى جاڭا جوبالاردى جۇزەگە اسىرۋعا، زاماناۋي تۋريستىك نىسانداردىڭ كوبەيۋىنە جانە قالالىق ينفراقۇرىلىمنىڭ ساپاسىن ارتتىرۋعا مۇمكىندىك بەرەدى. بۇل ءوز كەزەگىندە الماتىنىڭ قازاقستان مەن ورتالىق ازياداعى جەتەكشى تۋريستىك ورتالىق رەتىندەگى پوزيسياسىن ودان ءارى نىعايتۋعا ىقپال ەتەدى.
