الماتىدا قۇرامىس جانە شۇعىلا شاعىناۋداندارىندا ەمحانالار، سونداي-اق اقجار شاعىناۋدانىندا وتباسىلىق-دارىگەرلىك امبۋلاتوريانىڭ قۇرىلىسى جالعاسۋدا. بۇل تۋرالى ناۋرىزباي اۋدانى اكىمدىگىنىڭ وكىلدەرى حابارلادى.
قۇرامىس شاعىناۋدانىندا ءبىر اۋىسىمدا 500 ادامدى قابىلدايتىن ەمحانا بوي كوتەرىپ جاتىر. ءقازىر قۇرىلىس الاڭىندا بەتون قۇيۋ، ەلەكتر-مونتاج جۇمىستارى، قابىرعا قالاۋ، مەتالل قۇرىلىمدارىن ورناتۋ جانە سانتەحنيكالىق جۇيەلەردى مونتاجداۋ جۇمىستارى قولعا الىنعان. نىساندى 2026 جىلدىڭ سوڭىندا پايدالانۋعا بەرۋ جوسپارلانعان.
ءبىر اۋىسىمدا 500 ادام قابىلدايتىن تاعى ءبىر ەمحانا شۇعىلا شاعىناۋدانىندا سالىنىپ جاتىر. قازىرگى تاڭدا مۇندا ءمونوليتتى جۇمىستار، قابىرعا قالاۋ، سىرتقى ينجەنەرلىك جەلىلەردى تارتۋ جانە شاتىردى جابدىقتاۋ جۇمىستارى اتقارىلۋدا. قۇرىلىستى بيىل كۇزدە اياقتاۋ جوسپارلانىپ وتىر. اقجار شاعىناۋدانىندا ءبىر اۋىسىمدا 200 ادام قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى باستالدى. ءقازىر نىسان اۋماعىندا شۇڭقىر قازۋ جۇمىستارى جۇرگىزىلۋدە.
سونىمەن قاتار، №7 قالالىق كلينيكالىق اۋرۋحانانى قايتا جاڭعىرتۋ جۇمىستارى جالعاسىپ جاتىر. قۇرىلىس-مونتاج جۇمىستارىن 2027 جىلدىڭ كوكتەمىندە اياقتاۋ جوسپارلانعان.
بۇعان قوسا، تاستىبۇلاق شاعىناۋدانىنداعى وتباسىلىق-دارىگەرلىك امبۋلاتوريانىڭ جانە №1 قالالىق كلينيكالىق اۋرۋحانانى جاڭعىرتۋ جوبالارى ازىرلەۋ كەزەڭىندە تۇر.
