ناۋرىزباي اۋدانىندا «حالىق قاتىساتىن بيۋدجەت» باعدارلاماسى اياسىندا اۋلالاردى كوركەيتۋگە، جايلى قوعامدىق كەڭىستىك قالىپتاستىرۋعا جانە قالالىق ورتانى جاقسارتۋعا باعىتتالعان 35 جوبا جۇزەگە اسىرىلۋدا، - دەپ حابارلايدى alnews.
نىسانداردىڭ ءبىر بولىگى اياقتالسا، قالعاندارىندا جۇمىس جالعاسىپ جاتىر.
«حالىق قاتىساتىن بيۋدجەت» باعدارلاماسى اياسىندا تاراز كوشەسىندەگى اۆتوتۇراق اۋماعىن كوركەيتۋ جۇمىستارى اياقتالدى. قۇرىلىس-مونتاج جۇمىستارى 2026 جىلعى ساۋىردەن ماۋسىمعا دەيىن جۇرگىزىلدى. جوبا اياسىندا اۋماق كەشەندى تۇردە رەتكە كەلتىرىلىپ، تۇرعىنداردىڭ ءقاۋىپسىز ءارى قولايلى پايدالانۋىنا بەيىمدەلدى. 2 000 شارشى مەتر اۋماققا جاڭا اسفالتبەتون جابىنى توسەلىپ، اۆتوتۇراق ايماعىنىڭ جاعدايى جاقسارتىلدى. جۇرگىنشىلەرگە قولايلى جاعداي جاساۋ ءۇشىن 300 شارشى مەتر تروتۋار سالىنىپ، تۇرعىنداردىڭ ءقاۋىپسىز ءجۇرىپ-تۇرۋىنا مۇمكىندىك جاسالدى.
سونىمەن قاتار جالپى ۇزىندىعى 558 مەتر ارىق جەلىسى سالىندى. ول جاڭبىر جانە ەرىگەن قار سۋىن رەتىمەن بۇرىپ، اۋماقتى ءتيىستى جاعدايدا ۇستاۋعا مۇمكىندىك بەرەدى. اتقارىلعان جۇمىستاردىڭ ناتيجەسىندە اۆتوتۇراق كەڭىستىگى كوركەيتىلىپ، فۋنكسيونالدىق مۇمكىندىگى ارتتى، ال ىرگەلەس اۋماق كولىك جۇرگىزۋشىلەرى مەن جۇرگىنشىلەر ءۇشىن قولايلى بولا ءتۇستى.
اياقتالعان جوبالاردىڭ تاعى ءبىرى – ايتماتوۆ كوشەسىندەگى بالالار ويىن الاڭىن كوركەيتۋ. قۇرىلىس-مونتاج جۇمىستارى 2026 جىلعى مامىردان ماۋسىمعا دەيىن جۇرگىزىلدى. جوبا اياسىندا الاڭ اۋماعى تولىق جاڭارتىلدى. ەسكى ويىن جابدىقتارى مەن مەتالل قورشاۋلار الىنىپ، جاڭا نەگىز دايىندالدى جانە شامامەن 385 شارشى مەتر اسفالتبەتون جابىنى توسەلدى. بالالارعا جايلى ءارى ءقاۋىپسىز جاعداي جاساۋ ءۇشىن زاماناۋي ويىن جابدىقتارى ورناتىلىپ، قالىڭدىعى 1،5 سم ارنايى تارتان جابىنى توسەلدى. سونداي-اق جيەكتاستار ورناتىلىپ، ىرگەلەس اۋماق كورىكتەندىرىلدى جانە 60 تەكشە مەترگە جۋىق قۇرىلىس قالدىعى شىعارىلدى.
بالالاردىڭ قاۋىپسىزدىگىنە ەرەكشە نازار اۋدارىلدى. الاڭ قورشاۋمەن جابدىقتالعان، بۇل اتا-انالاردىڭ بالالارىن سەرۋەن كەزىندە الاڭسىز باقىلاۋىنا مۇمكىندىك بەرەدى. ناتيجەسىندە ەسكىرگەن الاڭنىڭ ورنىنا بالالاردىڭ ويىنى مەن بەلسەندى دەمالىسىنا ارنالعان زاماناۋي، كوركەيتىلگەن جانە ءقاۋىپسىز كەڭىستىك پايدا بولدى. ءقازىر بۇل ورىن وتباسىلىق دەمالىس ءۇشىن سۇرانىسقا يە الاڭداردىڭ بىرىنە اينالدى.
داۋلەتكەرەي كوشەسىندەگى اۋماق تا جاڭاردى. باعدارلاما اياسىندا مۇندا بالالار ويىن الاڭى كوركەيتىلدى. قۇرىلىس-مونتاج جۇمىستارى 2026 جىلعى ماۋسىمنان تامىزعا دەيىن جۇرگىزىلدى. جوبا اياسىندا اۋماق كەشەندى تۇردە جاڭارتىلىپ، جيەكتاستار مەن جاڭا اسفالتبەتون جابىنى توسەلدى، زاماناۋي سپورت جابدىقتارى مەن شاعىن ساۋلەت نىساندارى ورناتىلدى. بالالار مەن تۇرعىنداردىڭ جايلى ءارى ءقاۋىپسىز دەمالىسى ءۇشىن سىرتقى جارىقتاندىرۋ جۇيەسى جاسالىپ، ىرگەلەس اۋماق رەتكە كەلتىرىلدى. ناتيجەسىندە جاڭارتىلعان الاڭ بالالار ويىنىنا، سپورتپەن اينالىسۋعا جانە وتباسىلىق دەمالىسقا ارنالعان فۋنكسيونالدى ءارى جايلى كەڭىستىككە اينالدى.
«حالىق قاتىساتىن بيۋدجەت» باعدارلاماسى اياسىندا نۇرلى تاڭ كوشەسىندە دە زاماناۋي بالالار الاڭى سالىندى. قۇرىلىس-مونتاج جۇمىستارى 2026 جىلعى ماۋسىمنان تامىزعا دەيىن جۇرگىزىلدى. جوبا اياسىندا اۋماق تولىق كوركەيتىلدى. مۇندا زاماناۋي بالالار ويىن جابدىقتارى مەن شاعىن ساۋلەت نىساندارى ورناتىلىپ، ءقاۋىپسىز تارتان جابىنى توسەلدى، سىرتقى جارىقتاندىرۋ مەن قورشاۋ جاسالدى. سونداي-اق ىرگەلەس اۋماق رەتكە كەلتىرىلىپ، بالالار مەن اتا-انالار ءۇشىن قولايلى ءارى ءقاۋىپسىز ورتا قالىپتاستىرىلدى. جوبا ناتيجەسىندە نۇرلى تاڭ كوشەسىنىڭ تۇرعىندارى بالالاردىڭ ويىنىنا، سەرۋەندەۋىنە جانە بەلسەندى دەمالىسىنا ارنالعان زاماناۋي كەڭىستىككە يە بولدى.
تۇرعىنداردىڭ ايتۋىنشا، جاڭارتىلعان الاڭدار ءقازىردىڭ وزىندە وتباسىلىق دەمالىس ءۇشىن سۇرانىسقا يە ورىنعا اينالعان.
«وسى الاڭدى سالۋعا اتسالىسقان بارشا ازاماتقا العىسىمىز شەكسىز. اتقارىلعان جۇمىس ءۇشىن اكىمدىككە ۇلكەن راقمەت. بالالارىمىز ءۇشىن بۇل ويىن ويناپ، دەمالاتىن تاماشا ورىن بولدى. مۇندا ءبارى ىڭعايلى ءارى جان-جاقتى ويلاستىرىلعان، قورشاۋى دا بار، سوندىقتان بالالاردىڭ قاۋىپسىزدىگىنە الاڭدامايمىز. ولارعا مۇندا ۋاقىت وتكىزۋ شىنىمەن قىزىقتى. ءبىز، اۋدان تۇرعىندارى، وتە ريزامىز جانە وسىنداي الاڭ ءۇشىن ۇلكەن العىسىمىزدى بىلدىرەمىز»، – دەدى اۋدان تۇرعىنى.
