الماتى اكىمى دارحان ساتىبالدىنىڭ وكىمىمەن، پرەزيدەنت اكىمشىلىگىنىڭ جانە قالالىق ءماسليحاتتىڭ كەلىسىمىمەن جەتىسۋ اۋدانىنىڭ اكىمى بولىپ قۇراسبەك سادىبەكوۆ تاعايىندالدى، - دەپ حابارلايدى alnews.
قۇراسبەك سادىبەكوۆ 1989 جىلى 28 جەلتوقساندا استانا قالاسىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن «ساياساتتانۋ» ماماندىعى بويىنشا ءتامامداعان. 2017 جىلى مانچەستەر ۋنيۆەرسيتەتىن (ۇلىبريتانيا) «حالىقارالىق دامۋ: ساياسات، باسقارۋ جانە دامۋ ستراتەگياسى» ماماندىعى بويىنشا بىتىرگەن.
ەڭبەك جولىن 2011 جىلى شىمكەنت قالاسى اباي اۋدانى اكىمى اپپاراتىنىڭ باس مامانى قىزمەتىنەن باستاعان.
2013-2017 جىلدارى ق ر ءبىلىم جانە عىلىم مينيسترلىگىنىڭ جاستار ءىسى كوميتەتىندە ءتۇرلى قىزمەتتەر اتقاردى.
2014-2017 جىلدارى ق ر ءبىلىم جانە عىلىم مينيسترلىگىنىڭ ستراتەگيالىق جوسپارلاۋ جانە دامۋ دەپارتامەنتىندە باس ساراپشى بولىپ جۇمىس ىستەدى.
2017-2019 جىلدارى ق ر پارلامەنتى سەناتى دەپۋتاتىنىڭ كومەكشىسى قىزمەتىن اتقارعان.
2019-2022 جىلدارى قازاقستان رەسپۋبليكاسىنىڭ وزبەكستان رەسپۋبليكاسىنداعى تاشكەنت قالاسىنداعى ەلشىلىگىندە ءۇشىنشى حاتشى رەتىندە ديپلوماتيالىق قىزمەت اتقاردى.
2022 جىلى قازاننان 2025 جىلى قاڭتارعا دەيىن تۇركىستان وبلىسى اكىمى اپپاراتى باسشىسىنىڭ ورىنباسارى بولىپ جۇمىس ىستەدى.
2025 جىلى قاڭتاردان مامىرعا دەيىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ بولىمىندە ينسپەكتور قىزمەتىن اتقاردى.
2025 جىلى مامىردان باستاپ جەتىسۋ اۋدانىنىڭ اكىمى بولىپ تاعايىندالعانعا دەيىن الماتى قالاسى اكىمى اپپاراتى باسشىسىنىڭ ورىنباسارى قىزمەتىن اتقاردى.
