الماتىدا اتموسفەرالىق اۋانىڭ ساپاسىنا اسەر ەتۋى مۇمكىن نىساندارعا مونيتورينگ جۇرگىزۋ جالعاسىپ كەلەدى، - دەپ حابارلايدى alnews.
«Eco Almaty» ج ش س ماماندارى مونشالاردى، قوعامدىق تاماقتانۋ ورىندارىن، تەحنيكالىق قىزمەت كورسەتۋ ستانسيالارىن جانە باسقا دا نىسانداردى تەكسەرىپ جاتىر.
جەتىسۋ اۋدانىندا بۇگىندە 5 جەكەمەنشىك مونشا، 25 قوعامدىق تاماقتانۋ نىسانى جانە 11 تەحنيكالىق قىزمەت كورسەتۋ ستانسياسى تەكسەرىلدى.
قوعامدىق تاماقتانۋ ورىندارىنا ەرەكشە نازار اۋدارىلادى. اۋدانداعى وسىنداي 91 نىساننىڭ 80ء-ى ءالى دە قاتتى وتىندى پايدالانادى. 2026 جىلدىڭ سوڭىنا دەيىن ولاردىڭ 69-ىن ەلەكتر مانگالدارىنا كوشىرۋ جوسپارلانىپ وتىر.
2027 جىلدان باستاپ III ساناتتاعى ءبىرقاتار نىسان ءۇشىن اتموسفەرالىق اۋانى قورعاۋعا قاتىستى جاڭا تالاپتار كۇشىنە ەنەدى. ولار ەكولوگيالىق تۇرعىدان تازا وتىن تۇرلەرىن پايدالانۋدى، شىعارىندىلاردى تازارتۋ جۇيەلەرىن ورناتۋدى جانە بەلگىلەنگەن ەكولوگيالىق تالاپتاردى ساقتاۋدى كوزدەيدى.
مونيتورينگ كاسىپكەرلەردى جاڭا تالاپتار تۋرالى الدىن الا حاباردار ەتۋگە جانە نىسانداردى ولاردى ورىنداۋعا ۋاقىتىلى دايىنداۋعا مۇمكىندىك بەرەدى.
