الماتىنىڭ المالى اۋدانىندا 30 اۋلا اۋماعىن اعىمداعى جوندەۋ جۇمىستارى اياقتالدى. تاعى سەگىز نىساندا كوركەيتۋ جۇمىستارى جالعاسىپ جاتىر. بۇل تۋرالى اۋدان اكىمدىگىنىڭ وكىلدەرى حابارلادى.
2026 جىلى اۋدان بويىنشا بارلىعى 38 اۋلانى جاڭارتۋ جوسپارلانعان. جوبا اياسىندا اۋلا جابىندارىن جوندەۋ، بالالار جانە سپورت الاڭدارىن ورناتۋ مەن جاڭارتۋ، ورىندىقتار، قوقىس جاشىكتەرى جانە باسقا دا كوركەيتۋ ەلەمەنتتەرىن ورنالاستىرۋ قاراستىرىلعان.
سونىمەن قاتار «حالىق قاتىساتىن بيۋدجەت» جوباسى اياسىندا تۇرعىنداردىڭ 19 باستاماسى جۇزەگە اسىرىلىپ جاتىر. ونىڭ بەسەۋى اياقتالسا، سەگىز نىساندا قۇرىلىس-مونتاج جۇمىستارى قارقىن العان. تاعى بەس جوبا بويىنشا جۇمىستى باستاۋ جوسپارلانعان.
بۇل جوبالار قوعامدىق كەڭىستىكتەردى جاڭارتۋدى، دەمالىس ورىندارىن كوركەيتۋدى، بالالار ويىن جانە سپورت الاڭدارىن ورناتۋدى، كوگالداندىرۋ مەن سىرتقى جارىقتاندىرۋدى قامتيدى.
