الداعى جىلىتۋ ماۋسىمىنا دايىندىق اياسىندا الماتىنىڭ الاتاۋ اۋدانىندا 1988 جىلى پايدالانۋعا بەرىلگەن ۇزىندىعى شامامەن 483 مەتر جىلۋ قۇبىرى جاڭارتىلادى. بۇل تۋرالى «الماتى جىلۋ جەلىلەرى» ج ش س ماماندارى ايتتى.
وسىعان بايلانىستى 2026 جىلى 8 شىلدەدەن باستاپ جىلۋ جەلىلەرىن قايتا جاڭعىرتۋ جۇمىستارى جۇرگىزىلەتىن كەزەڭدە نەميروۆيچ-دانچەنكو كوشەسىنىڭ باتىس جاعىمەن رىسقۇلوۆ داڭعىلىنان رايىمبەك داڭعىلىنا دەيىنگى ارالىقتا اۆتوكولىك قوزعالىسى ءىشىنارا شەكتەلەدى.
بۇل اۋماقتى ەكى باعىتتا دا نەميروۆيچ-دانچەنكو كوشەسىنىڭ شىعىس جاعىمەن اينالىپ وتۋگە بولادى.
ۋاقىتشا شەكتەۋ جەر استىنداعى جىلۋ قۇبىرىن جوسپارلى تۇردە قايتا جاڭعىرتۋ جۇمىستارىن جۇرگىزۋ ءۇشىن ەنگىزىلىپ وتىر.
جوبا اياقتالعاننان كەيىن الداعى جىلىتۋ ماۋسىمىندا 14 كوپقاباتتى تۇرعىن ءۇي، 2 جەكە تۇرعىن ءۇي، 2 مەكتەپ جانە تاعى 10 نىسان تۇراقتى جىلۋمەن قامتاماسىز ەتىلەدى.
قايتا جاڭعىرتۋ كەزىندە تۇتىنۋشىلارعا ىستىق سۋ بەرۋ توقتاتىلمايدى. ۋاقىتشا قولايسىزدىققا تۇسىنىستىكپەن قاراۋلارىڭىزدى سۇرايمىز.
