الماتىلىق سپورتشىلار جاپونيادا ءوتىپ جاتقان XX جازعى ازيا ويىندارىندا العاشقى جۇلدەلەرىن يەلەندى، - دەپ حابارلايدى alnews.
قازاقستان قۇراماسىنىڭ قورجىنىنا قازىرگى بەسسايىس پەن كاراتە وكىلدەرى قولا مەدال سالدى. بۇل تۋرالى الماتى قالاسى سپورت باسقارماسىنىڭ وكىلدەرى ايتتى.
قازىرگى بەسسايىستان ەرلەر اراسىنداعى كوماندالىق ەسەپتە تەمىرلان ءابدىرايىموۆ، تيحون ۆارەحين جانە ليەۆ چۋۆاشوۆ قولا جۇلدەگەر اتاندى. بۇل قازاقستاننىڭ ازيا ويىندارىندا قازىرگى بەسسايىستان سوڭعى 16 جىلدا العان العاشقى مەدالى.
تاعى ءبىر قولا جۇلدەنى الماتىلىق بەللا ساماشيەۆا جەڭىپ الدى. كاراتەدەن 55 كەلىگە دەيىنگى سالماق دارەجەسىندە ول ۇزدىك ۇشتىكتىڭ قاتارىنا ەندى. بەللا ءۇشىن بۇل سپورتتىق مانسابىنداعى العاشقى ازيا ويىندارى.
وسىلايشا، ازيا ويىندارىنىڭ العاشقى كۇندەرىنەن-اق الماتىلىق سپورتشىلار ۇلتتىق قۇرامانىڭ جۇلدە قورجىنىن تولىقتىرا باستادى.
XX جازعى ازيا ويىندارى جالعاسىپ جاتىر. الدا قازاقستان اتىنان سپورتتىڭ ءتۇرلى تۇرلەرىنەن سىنعا تۇسەتىن كوپتەگەن الماتىلىق سپورتشىنىڭ جارىستارى بار. باسەكە 4 قازانعا دەيىن جالعاسادى.
