الماتىلىق سپورتشىلار 2026 جىلدىڭ العاشقى جارتىجىلدىعىندا 2 230 مەدال جەڭىپ الدى

2026 جىلدىڭ العاشقى جارتىجىلدىعىنىڭ قورىتىندىسى بويىنشا الماتىلىق سپورتشىلار حالىقارالىق جانە رەسپۋبليكالىق جارىستاردا 2 230 مەدال جەڭىپ الدى. بۇل تۋرالى قالالىق سپورت باسقارماسىنىڭ وكىلدەرى ايتتى.
 
الماتىلىق سپورتشىلاردىڭ قورجىنىندا الەم چەمپيوناتتارىنىڭ 60 مەدالى، ازيا چەمپيوناتتارىنىڭ 105 جۇلدەسى جانە قازاقستان چەمپيوناتتارىنىڭ 2 065 مەدالى بار.
 
قازىرگى تاڭدا قازاقستان رەسپۋبليكاسىنىڭ ۇلتتىق قۇراماسى ساپىندا الماتىدان 2 544 سپورتشى بار. وسىلايشا، ۇلتتىق قۇراماداعى ءاربىر ءتورتىنشى سپورتشى الماتىنىڭ نامىسىن قورعايدى.
 
بيىل الماتىلىق سپورتشىلار ءبىرقاتار تاريحي جەتىستىككە دە قول جەتكىزدى. اتاپ ايتقاندا، سپورتتىق گيمناستيكادان الەم كۋبوگى كەزەڭدەرىندە، ستەند اتۋدان جاسوسپىرىمدەر اراسىنداعى الەم چەمپيوناتىندا قازاقستان تاريحىنداعى العاشقى التىن مەدالداردى جەڭىپ الدى. سونداي-اق، سەمسەرلەسۋ، شاحمات، جەڭىل اتلەتيكا جانە باسقا دا سپورت تۇرلەرىندە جوعارى ناتيجە كورسەتتى.
 
قالالىق سپورت باسقارماسى وكىلدەرىنىڭ مالىمەتىنشە، بۇل جەتىستىكتەرگە سپورت ينفراقۇرىلىمىن دامىتۋ، سپورتشىلاردى دايارلاۋ جۇيەسىن جەتىلدىرۋ جانە ماتەريالدىق-تەحنيكالىق بازانى نىعايتۋ ناتيجەسىندە قول جەتكىزىلدى.