الماتى قالاسىنداعى دوستىق ۇيىندە ەلىمىزدىڭ جاڭا كونستيتۋسياسىنىڭ جوباسىن تۇسىندىرۋگە ارنالعان كەزدەسۋ ءوتتى، - دەپ حابارلايدى alnews.
جيىنعا بەلگىلى وتاندىق جازۋشىلار مەن شىعارماشىلىق زيالى قاۋىم وكىلدەرى، قوعام قايراتكەرلەرى، سونداي-اق ق ر پارلامەنتى ءماجىلىسىنىڭ دەپۋتاتتارى مەن كونستيتۋسيالىق رەفورما جونىندەگى كوميسسيا مۇشەلەرى قاتىستى. قازاقستان جازۋشىلار وداعىنىڭ ءتوراعاسى مەرەكە قۇلكەنوۆ اتالعان جوبا قوعامنىڭ مۇددەسىن ەسكەرەتىنىن اتاپ ءوتتى.
بۇگىن ءبىز ەل ءۇشىن اسا ماڭىزدى ماسەلە – جاڭا كونستيتۋسيا جوباسىن تالقىلاۋ ءۇشىن جينالدىق. ول حالىقپەن اشىق ديالوگ بارىسىندا قالىپتاسىپ، قوعامنىڭ شىنايى مۇددەلەرىن كورسەتەدى، – دەپ اتاپ ءوتتى سپيكەر.
كەزدەسۋدە احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجان دا ءسوز سويلەدى. ول ەلدىڭ ودان ءارى تابىستى دامۋى ءۇشىن جاڭا كونستيتۋسيانىڭ قاجەت ەكەنىن اتاپ ءوتتى.
ارينە، قولدانىستاعى نەگىزگى زاڭدا بارلىق ماڭىزدى ماسەلەلەر ەسكەرىلگەن، ازاماتتاردىڭ نەگىزگى قۇقىقتارى مەن مىندەتتەرى بەكىتىلگەن. الايدا الەم ءبىر ورىندا تۇرمايدى، سوندىقتان كونستيتۋسيا دا بۇل ۇدەرىستەردى كورسەتۋى ءتيىس. سونىمەن قاتار كونستيتۋسيا جوباسىنىڭ قازاق تىلىندە ازىرلەنۋى اسا ماڭىزدى. سونداي-اق ونىڭ بۇگىنگى تاڭدا ءارتۇرلى جاستاعى، ماماندىقتاعى، الەۋمەتتىك جاعدايداعى ادامدار اراسىندا كەڭىنەن تالقىلانۋىنىڭ ماڭىزى زور. بۇل كوپ جايتتى اڭعارتادى، – دەدى سپيكەر.
جالپى، پىكىرتالاس بارىسىندا كونستيتۋسيالىق رەفورمانىڭ نەگىزگى باعىتتارى، جاڭا كونستيتۋسيا جوباسىندا قوعامعا، مادەنيەتكە جانە شىعارماشىلىق سالاعا قاتىستى كوزدەلگەن نورمالار، سونداي-اق ازاماتتىق ينستيتۋتتاردىڭ ءرولى مەن جاۋاپكەرشىلىگى جونىندە مازمۇندى پىكىر الماسۋ ءوتتى. قاتىسۋشىلار قۇقىقتىق رەفورمالاردىڭ ەل دامۋى ءۇشىن ستراتەگيالىق ماڭىزىن، ازاماتتاردىڭ قۇقىقتارى مەن بوستاندىقتارىن كەڭەيتۋ قاجەتتىگىن، سونداي-اق ءسوز بوستاندىعى مەن شىعارماشىلىق ەركىندىكتى ينستيتۋسيونالدىق تۇرعىدا نىعايتۋدىڭ ماڭىزدىلىعىن اتاپ ءوتتى.
سونىمەن قاتار، شىعارماشىلىق قاۋىمداستىق وكىلدەرى جاڭا كونستيتۋسيا تەك قۇقىقتىق قۇجات قانا ەمەس، قوعامدىق سانانى جاڭعىرتۋعا، ادىلدىك پەن جاۋاپكەرشىلىك قاعيداتتارىن بەكىتۋگە ىقپال ەتەتىن رۋحاني نەگىز بولۋى ءتيىس ەكەنىن ايتتى.
تالقىلاۋ قورىتىندىسى بويىنشا قاتىسۋشىلار جاڭا نەگىزگى زاڭ جوباسىنىڭ نەگىزگى باعىتتارى مەن ۇسىنىلعان رەفورمالاردى ءبىراۋىزدان قولدايتىندارىن ءبىلدىردى.
