تۇركسىب اۋدانىنداعى 2000-عا جۋىق وقۋشى قازاقستاننىڭ رەسپۋبليكا كۇنىنە ارنالعان جاڭا «رەسپۋبليكا كۇنى» ءانىن ورىندادى، - دەپ حابارلايدى alnews.
ءاننىڭ اۆتورى – №6 وقۋشىلار ءۇيىنىڭ پەداگوگى، كومپوزيتور ءبىرجان الكەيەۆ. تۋىندى «ەلىمنىڭ جارقىن بولاشاعى: بىرلىك. رۋح. تاۋەلسىزدىك!» اتتى اۋقىمدى پاتريوتتىق ءىس-شارا اياسىندا شىرقالدى.
ءىس-شارانى تۇركسىب اۋداندىق ءبىلىم ءبولىمى، №6 وقۋشىلار ءۇيى جانە اۋدانداعى 32 مەكتەپ بىرلەسىپ ۇيىمداستىردى. 2000-عا جۋىق وقۋشى ءبىر مەزەتتە قازاقستان رەسپۋبليكاسىنىڭ مەملەكەتتىك ءانۇرانىن، سونداي-اق «رەسپۋبليكا كۇنى» جانە «اتامەكەن» اندەرىن ورىندادى.
ءىس-شارانىڭ ەرەكشە كورىنىستەرىنىڭ ءبىرى – «جاندى تۋ» كومپوزيسياسى. كوگىلدىر جانە سارى ءتۇستى جەيدە كيگەن وقۋشىلار الاڭعا ساپ تۇزەپ، قازاقستاننىڭ مەملەكەتتىك تۋىنىڭ بەينەسىن جاسادى.
كورەرمەندەردىڭ ەرەكشە نازارىن №83 گيمنازيانىڭ قازاق حالىق اسپاپتارىنان قۇرالعان «شابىت» وركەسترىنىڭ ونەرى اۋداردى. ۇجىم ۇلتتىق مۋزىكا مادەنيەتىنىڭ باي مۇراسىن پاش ەتتى.
سونىمەن قاتار ارت-چەللەندج اياسىندا 500 جاس سۋرەتشى قازاقستاننىڭ مادەني مۇراسىنا، ۇلتتىق داستۇرىنە جانە ەلىمىزدىڭ جارقىن بولاشاعىنا ارنالعان تۋىندىسىن ۇسىندى.
