الماتىداعى ۇلكەن ونەركاسىپ كاسىپورىننىڭ قىزمەتكەرلەرى 23 تامىزدا وتەتىن قۇرىلتايدىڭ مۇشەلەرىن سايلاۋدى قولدايتىندارىن ءبىلدىرىپ، قالا تۇرعىندارىن داۋىس بەرۋگە بەلسەنە قاتىسۋعا شاقىردى، - دەپ حابارلايدى alnews.
«كازلەگپروم-الماتى» ج ش س مەن «اسفالتوبەتون 1» ج ش س ەڭبەك ۇجىمىنىڭ وكىلدەرى وسىلايشا وزدەرىنىڭ ازاماتتىق ۇستانىمىن جەتكىزدى.
كاسىپورىن وكىلدەرىنىڭ ايتۋىنشا، سايلاۋعا قاتىسۋ – ءار ازاماتتىڭ ەلدىڭ تۇراقتى دامۋىنا ۇلەس قوسۋى، قوعام بىرلىگىن نىعايتۋى مەن ەكونوميكانىڭ ودان ءارى وركەندەۋىنە قولايلى جاعداي جاساۋعا اتسالىسقانى ەكەن.
«كازلەگپروم-الماتى» ج ش س قىزمەتكەرى اينۇر جوكەجانوۆا جارقىن بولاشاق بۇگىن قابىلداناتىن دۇرىس تاڭداۋدان باستالاتىنىن اتاپ ءوتتى. ونىڭ ايتۋىنشا، كاسىپورىن ۇجىمى ادال ەڭبەكتى، بىرلىكتى جوعارى باعالاپ، ۇلتتىق مۇددەنى بارىنەن بيىك قويادى. سوندىقتان ولار 23 تامىز كۇنى وتەتىن داۋىس بەرۋگە قاتىسۋدى جوسپارلاپ قويىپتى.
ال «اسفالتوبەتون 1» ج ش س قىزمەتكەرى يلشات يمينوۆ كۇندەلىكتى ەڭبەك ەلدىڭ دامۋىنا باعىتتالعانىن ايتىپ، سايلاۋعا قاتىسۋ مەملەكەتتىڭ جاڭعىرۋى مەن گۇلدەنۋىنە سەپ بولاتىن قادام ەكەنىن ايتىپ وتىر.
ەڭبەك ۇجىمىنىڭ وكىلدەرى الماتىلىقتاردى وسى ناۋقاننان شەت قالماي، وزدەرىنىڭ كونستيتۋسيالىق قۇقىعىن پايدالانىپ، 23 تامىزدا وتەتىن قۇرىلتاي مۇشەلەرىن سايلاۋعا ءبىر كىسىدەي اتسالىسۋعا شاقىردى.
