الماتى قالاسىندا جاستار ساياساتى باسقارماسىنىڭ قولداۋىمەن بارلىق كوميۋنيتي-ورتالىقتاردا جاستاردىڭ دامۋىنا جانە ولاردىڭ ءوزىن-وزى جۇزەگە اسىرۋىنا مۇمكىندىك بەرەتىن ءتۇرلى ديالوگتىق الاڭدار ۇيىمداستىرىلۋدا.
كەزدەسۋلەردە ەكولوگيا مەن ازاماتتىق بەلسەندىلىكتەن باستاپ، كرەاتيۆتى يندۋستريالار مەن ستارتاپتارعا دەيىن ءارتۇرلى تاقىرىپتار قوزعالادى. سپيكەرلەر رەتىندە مەملەكەتتىك ورگانداردىڭ وكىلدەرى، بيزنەس جانە عىلىم سالاسىنىڭ ماماندارى، مادەنيەت قايراتكەرلەرى، سونداي-اق تابىستى جوبالاردى جۇزەگە اسىرعان جاس كوشباسشىلار شاقىرىلۋدا.
بۇل كەزدەسۋلەر قاتىسۋشىلار ءۇشىن تەك جاڭا يدەيالاردى تىڭداۋ مۇمكىندىگى عانا ەمەس، سونىمەن قاتار كوشباسشىلىق مەكتەپ دەۋگە بولادى. جاستار كوپشىلىك الدىندا سويلەۋدى، ءوز باستامالارىن تانىستىرۋدى، سەرىكتەستەر مەن پىكىرلەس دوستار تابۋدى ۇيرەنۋدە. مۇنداي ديالوگ الاڭدارى الماتىلىق جاستاردى قولداۋدىڭ ماڭىزدى شارالارىنىڭ بىرىنە اينالىپ، ولاردى قالا ومىرىنە بەلسەندى قاتىسۋعا ىنتالاندىرادى.
الداعى ءىس-شارالاردان حاباردار بولۋ ءۇشىن ۇيىمداستىرۋشىلار بارلىق كوميۋنيتي-ورتالىقتاردىڭ رەسمي الەۋمەتتىك جەلىدەگى پاراقشالارىنا جازىلۋدى ۇسىنادى.
بۇگىندە الماتىدا قالانىڭ بارلىق اۋداندارىندا 11 كوميۋنيتي-ورتالىق جۇمىس ىستەپ تۇر. جىل سوڭىنا دەيىن ولاردىڭ سانى 16-عا جەتىپ، ءار اۋداندا ەكى ورتالىقتان اشىلاتىن بولادى. بۇل جاستارعا زاماناۋي ءبىلىم بەرۋ، مادەني جانە الەۋمەتتىك مۇمكىندىكتەرگە كەڭىنەن قول جەتكىزۋگە جول اشادى.
