الماتى قالاسى مادەنيەت باسقارماسىنا قاراستى «الاتاۋ» ءداستۇرلى ونەر تەاترىنىڭ اككوردەونشىسى جاندوس ساۋىت 79-شى حالىقارالىق Coupe Mondiale بايقاۋىندا الەم كۋبوگىنىڭ يەگەرى اتاندى، - دەپ حابارلايدى alnews.
بايقاۋ 23-27 تامىز ارالىعىندا استانادا ءوتتى.
Coupe Mondiale بايقاۋىن حالىقارالىق اككوردەونشىلار كونفەدەراسياسى – Confédération Internationale des Accordéonistes (CIA) ۇيىمداستىرادى. بايقاۋ الەمنىڭ ءار ەلىنەن كاسىبي ورىنداۋشىلار مەن جاس مۋزىكانتتاردىڭ باسىن قوسادى.
قاتىسۋشىلار Coupe Mondiale، Masters Coupe Mondiale، Junior Coupe Mondiale، Virtuoso Entertainment Music جانە انسامبلدىك ورىنداۋشىلىق سىندى بىرنەشە اتالىم بويىنشا سىنعا تۇسەدى.
جاندوس ساۋىت قازاقستان اتىنان ونەر كورسەتىپ، بايقاۋ قورىتىندىسى بويىنشا باس جۇلدە – الەم كۋبوگىن جەڭىپ الدى.
الماتى قالاسى مادەنيەت باسقارماسى وكىلدەرىنىڭ مالىمەتىنشە، بۇل جەتىستىك وتاندىق ورىنداۋشىلىق ونەر ءۇشىن ماڭىزدى وقيعا. سونداي-اق، ونەرپازدىڭ جەڭىسى قازاقستانداعى بايان جانە اككوردەون ورىنداۋشىلىق مەكتەبىنىڭ جوعارى كاسىبي دەڭگەيىن كورسەتەدى.
