الماتىنىڭ قالا قۇرىلىسىن باقىلاۋ باسقارماسى تۇركسىب اۋدانىنىڭ قايرات شاعىناۋدانىندا ورنالاسقان بازاردىڭ جالپى اۋماعى 56 مىڭ شارشى مەتردەن اساتىن ساۋدا ورىندارىن بۇزۋ جۇمىستارى باستالعانىن حابارلايدى.
بۇعان دەيىن جۇرگىزىلگەن تەكسەرۋ بارىسىندا «ستاتۋس Construction» ج ش س رۇقسات قۇجاتتارىنسىز جالپى اۋماعى 56،4 مىڭ شارشى مەتر بولاتىن ساۋدا ورىندارىن سالعانى انىقتالدى.
مەنشىك يەسىنە قاتىستى اكىمشىلىك شارا قابىلدانىپ، زاڭبۇزۋشىلىقتاردى جويۋ تۋرالى نۇسقاما بەرىلدى. الايدا نۇسقاما تالاپتارى ورىندالماعاندىقتان، باسقارما زاڭسىز نىسانداردى بۇزۋ تۋرالى تالاپ ارىزبەن الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا جۇگىندى. وسىدان كەيىن سوت تالقىلاۋلارى ءوتتى.
الماتى قالالىق سوتىنىڭ قاۋلىسىمەن مامانداندىرىلعان اۋدانارالىق ەكونوميكالىق سوتتىڭ زاڭسىز نىسانداردى بۇزۋ تۋرالى شەشىمى وزگەرىسسىز قالدىرىلدى. ءىس ماتەريالدارى شەشىمدى ورىنداۋ ءۇشىن ادىلەت دەپارتامەنتىنە جولداندى.
سوت شەشىمىن ورىنداۋ ماقساتىندا مەنشىك يەسى نىسانداردى بۇزۋ جۇمىستارىن ءوز بەتىنشە باستادى.
