الماتىدا 29 جانە 30 تامىز كۇندەرى تۇركىستان وبلىسى مەن الماتى قالاسىنىڭ شارۋالارى جانە تاۋار وندىرۋشىلەرى قاتىساتىن اۋىل شارۋاشىلىعى جارمەڭكەسى وتەدى، - دەپ حابارلايدى alnews.
ساۋدا قاتارلارى قازىبەك بي كوشەسىنىڭ ابىلاي حان داڭعىلى مەن پانفيلوۆ كوشەسى ارالىعىنداعى بولىگىندە ورنالاسادى.
جارمەڭكەدە 500 توننادان استام اۋىل شارۋاشىلىعى ءونىمى ۇسىنىلادى. تۇركىستان وبلىسىنىڭ 16 اۋدانىنان شارۋالار مەن وندىرۋشىلەر ءونىمىن اكەلەدى.
ءونىم تۇرلەرىنىڭ قاتارىندا 100 تونناعا جۋىق ەت ونىمدەرى، 170 توننا كوكونىس، 66،5 توننا ءسۇت ونىمدەرى، 30 توننا جەمىس-جيدەك، سونداي-اق 70 توننا جيدەك پەن باقشا داقىلدارى بار.
ونىمدەردى ورتاشا نارىق باعاسىنان 8–20% تومەن باعامەن ساتۋ جوسپارلانىپ وتىر.
جارمەڭكە الماتىنىڭ ازىق-تۇلىك قاۋىپسىزدىگىن قامتاماسىز ەتۋ جانە ءوڭىرارالىق ىنتىماقتاستىقتى دامىتۋ باعىتىنداعى جۇمىستار اياسىندا وتكىزىلەدى. سونداي-اق جارمەڭكە وتاندىق اۋىل شارۋاشىلىعى تاۋارىن وندىرۋشىلەردى قولداۋعا جانە تۇرعىنداردىڭ بالعىن ونىمدەرگە قولجەتىمدىلىگىن ارتتىرۋعا باعىتتالعان.
