تۋريزم سالاسى الماتى ەكونوميكاسىنا قوساتىن ۇلەسىن جىل سايىن ارتتىرىپ كەلەدى، - دەپ حابارلايدى alnews.
2026 جىلدىڭ ءقاڭتار-ساۋىر ايلارى ارالىعىندا تۋريزم سالاسى كاسىپورىندارىنان جەرگىلىكتى بيۋدجەتكە 30،4 ملرد تەڭگە كولەمىندە سالىق ءتۇستى. بۇل وتكەن جىلدىڭ وسى كەزەڭىمەن سالىستىرعاندا 13%-عا كوپ. بۇل تۋرالى قالالىق تۋريزم باسقارماسىنىڭ وكىلدەرى حابارلادى.
باسقارما مالىمەتىنشە، سالىق تۇسىمدەرىنىڭ نەگىزگى بولىگىن قوعامدىق تاماقتانۋ ورىندارى، ويىن-ساۋىق يندۋسترياسى، قوناق ۇيلەر، تۋريستىك كومپانيالار جانە جولاۋشىلار تاسىمالىمەن اينالىساتىن كاسىپورىندار قامتاماسىز ەتتى.
