بۇگىن الماتىدا «تازا قازاقستان» رەسپۋبليكالىق ەكولوگيالىق اكسياسى اياسىندا جالپىقالالىق سەنبىلىك ءوتتى، - دەپ حابارلايدى alnews.
تازالىق جانە كوركەيتۋ جۇمىستارى قالانىڭ بارلىق اۋدانىنداعى سەگىز اۋماقتى قامتىدى. بۇل تۋرالى الماتى قالاسىنىڭ كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسىنىڭ وكىلدەرى حابارلادى.
سەنبىلىككە 1 860 ادام قاتىستى. تازالىق جۇمىستارىن جۇرگىزۋگە 111 ارنايى تەحنيكا جۇمىلدىرىلدى.
سەنبىلىككە قاتىسۋشىلار قۇرمانعازى جانە بايسەيىتوۆا كوشەلەرىنىڭ قيىلىسىنداعى «وتان ۇلدارىنا ماڭگىلىك تاعزىم» ەسكەرتكىشى ماڭىن، التىن بەسىك جانە كوكشوقى شاعىناۋداندارىن، الما-اراسان كوشەسىن، «گۇلدەر» ساياباعىن، كەڭساي-3 اۋماعىن، سونداي-اق سابدەنوۆ جانە بۇقتىرما كوشەلەرىن تازالاپ، رەتكە كەلتىردى.
سەنبىلىك قورىتىندىسى بويىنشا 968 تەكشە مەتر قوقىس پەن قالدىق جينالىپ، شىعارىلدى.
الماتىدا قالالىق اۋماقتاردى كۇتىپ ۇستاۋ جانە كوركەيتۋ جۇمىستارى اياسىندا جالپىقالالىق سەنبىلىكتەر تۇراقتى تۇردە وتكىزىلىپ كەلەدى.
