الماتىنىڭ ناۋرىزباي اۋدانىندا تاستىبۇلاق وزەنىنىڭ سابدەنوۆ كوشەسىنەن رايىمبەك داڭعىلىنا دەيىنگى جاعالاۋىن كورىكتەندىرۋ جۇمىستارى جالعاسۋدا. بۇل تۋرالى ناۋرىزباي اۋدانى اكىمدىگىنىڭ وكىلدەرى حابارلادى.
جوبا اياسىندا وزەننىڭ ەكى جاعالاۋىمەن جالپى ۇزىندىعى 1،4 شاقىرىم بولاتىن جۇرگىنشىلەرگە ارنالعان سەرۋەندەۋ ايماعى سالىنادى.
سونداي-اق، تۇرعىنداردىڭ سەرۋەندەپ، دەمالۋىنا قولايلى قوعامدىق كەڭىستىك قالىپتاستىرۋ كوزدەلگەن. اۋدان اكىمدىگىنىڭ مالىمەتىنشە، جوبا قالاداعى قوعامدىق كەڭىستىكتەردى دامىتۋعا جانە قالالىق ورتانىڭ جايلىلىعىن ارتتىرۋعا باعىتتالعان.
