الماتى قالاسى جاستار ساياساتى باسقارماسىنىڭ قولداۋىمەن قالا اۋماعىنداعى ستۋدەنتتىك جاتاقحانالاردا مونيتورينگ جۇمىستارى باستالدى. بۇل شارانىڭ باستى ماقساتى — جاستاردىڭ تۇرمىس جاعدايىن زەردەلەۋ، جاتاقحانالارداعى الەۋمەتتىك-تۇرمىستىق احۋالدى جاقسارتۋعا باعىتتالعان ۇسىنىستار ازىرلەۋ جانە ءبىلىم الۋشىلاردىڭ قۇقىقتارىنىڭ ساقتالۋىن باقىلاۋ.
مونيتورينگ جۇمىستارى ارنايى جۇمىس توبىنىڭ قاتىسۋىمەن جۇزەگە اسىرىلۋدا. ونىڭ قۇرامىنا جاستار ساياساتى باسقارماسىنىڭ وكىلدەرىمەن قاتار، جوعارى وقۋ ورىندارىنىڭ ستۋدەنتتىك ءوزىن-وزى باسقارۋ ۇيىمدارى مەن بەلسەندى جاستار تارتىلعان. اتالعان توپ جاتاقحانالارداعى سانيتارلىق-گيگيەنالىق تالاپتاردىڭ ورىندالۋ دەڭگەيىن، قاۋىپسىزدىك شارالارىن، ينتەرنەت جەلىسىنىڭ ساپاسىن، وقۋ بولمەلەرى مەن ورتاق پايدالانىلاتىن ورىنداردىڭ جاعدايىن تەكسەرەدى.
جاستار ساياساتى باسقارماسىنىڭ وكىلدەرى بۇل باستامانىڭ باستى مىندەتى — ستۋدەنتتەردىڭ تۇرمىستىق ماسەلەلەرىن ناقتى دەرەكتەر نەگىزىندە انىقتاپ، وقۋ ورىندارىمەن جانە ءتيىستى مەكەمەلەرمەن بىرلەسىپ شەشۋ ەكەنىن اتاپ ءوتتى.
الداعى ۋاقىتتا مونيتورينگ ناتيجەلەرى بويىنشا ءتيىستى ۇسىنىستار ازىرلەنىپ، جاتاقحانا جاعدايىن جاقسارتۋعا باعىتتالعان ناقتى شارالار قابىلدانادى. بۇل جۇمىس — الماتى جاستارىنا قولايلى ءومىر ءسۇرۋ جانە ءبىلىم الۋىنا سەپتىگىن تيگىزۋگە باعىتتالعان.
