الماتى جاستارى وقۋ جىلىن ەكولوگيالىق جاۋاپكەرشىلىك پەن ەل بولاشاعىنا قامقورلىقتان باستادى
الماتىداعى جوو-دا بءىرىنشى كۋرس ستۋدەنتتەرىن ستۋدەنتتەر قاتارىنا قابىلداۋ ءراسىمى جالعاسۋدا. بيىلعى ءبىرىنشى كۋرس ستۋدەنتتەرى پرەزيدەنت قاسىم-جومارت توقايەۆتىڭ “ادىلەتتى قازاقستان” قۇرۋ جانە جاۋاپتى ازاماتتىق قوعامدى دامىتۋ باستامالارى جۇزەگە اسىپ جاتقان كەزەڭدە وقۋىن باستاۋدا. وسى ورايدا، قابىلداۋ كەشتەر «تازا كازاقستان»، ازاماتتىق جاۋاپكەرشىلىك، «مادەني ۇلت» يدەولوگەمالار اياسىندا ۇيىمداستىرىلۋدا.
كەزەكتى «ستۋدەنتتەر قاتارىنا قابىلداۋ» سالتاناتى ءىس-شاراسىن حالىقارالىق ءبىلىم كورپوراسياسى (قازبسقا) بالۋان شولاق اتىنداعى سپورت سارايىندا ءوتكىزدى. بيىلعى(قازبسقا قابىلداۋ كەشى «Back to the Future 45» تاقىرىبىمەن ءوتتى. بۇل تاقىرىپ ستۋدەنتتەردىڭ بولاشاققا دەگەن كوزقاراسىن، كاسىبي جەتىستىكتەرگە، شىعارماشىلىق پەن يننوۆاسيالارعا باعىتتالعان 45 جىلدىق دامۋ جولىن بەينەلەيدى. قابىلداۋ كەش اياسىندا،“تازا قازاقستان” ۇلتتىق جوباسىن قولداۋ ماقساتىندا “ەكو-ستارت پەرۆوكۋرسنيكا” اكسياسى وتكىزىلدى. بۇل اكسيا ارناۋدى تەك مەرەكە ەمەس، تاربيەلىك جانە ەكولوگيالىق سانا قالىپتاستىرۋ ۇدەرىسىنىڭ ءبىر بولىگىنە اينالدىردى. سونىمەن قاتار، كەشتىڭ نەگىزگى باعىتى «تولىق ادام»تۇجىرىمى بولدى. ول كاسىبيلىكتى، ازاماتتىق بەلسەندىلىكتى جانە ەكولوگيالىق جاۋاپكەرشىلىكتى ۇيلەستىرە بىلگەن جان-جاقتى تۇلعانى قالىپتاستىرۋعا باعىتتالعان.
– «بۇگىن سىزدەر ومىرلەرىڭىزدىڭ جاڭا ءارى جارقىن كەزەڭىنە قادام باسىپ وتىرسىزدار. سىزدەر الماتى قالاسىنىڭ بەلسەندى ستۋدەنتتىك قاۋىمداستىعىنىڭ ءبىر بولىگىنە اينالدىڭىزدار. قالا اكىمدىگى ءاردايىم جاستارمەن بىرگە بولىپ، ولاردىڭ باستامالارى مەن جوبالارىن قولداۋعا دايىن»، – دەپ اتاپ ءوتتى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
قابىلداۋ كەشىنە 4000-نان استام ءبىرىنشى كۋرس ستۋدەنتتەرى، وقىتۋشىلار، تۇلەكتەر مەن قوناقتار، سونىڭ ىشىندە الماتى قالاسى اكىمدىگىنىڭ وكىلدەرى، اكادەميا تۇلەكتەرى، جۇمىس بەرۋشىلەر، سەرىكتەستەر مەن جاستار ۇيىمدارىنىڭ كوشباسشىلارى قاتىستى.
ايتا كەتەيىك، الماتىدا 35 جوعارى وقۋ ورنى جۇمىس ىستەيدى، وندا 210 مىڭنان استامستۋدەنت ءبىلىم الۋدا.. ستۋدەنتتەر قاتارىنا قابىلداۋ كەشى – قالا ستۋدەنتتەرىن بىرىكتىرەتىن، قالاداعى ءار جوعارعى وقۋ ورنىندا وتەتىن جىل سايىنعى ءىرى وقيعا. مۇندا كوڭىلدى مەرەكەدەن بولەك، تاربيە مەن قۇندىلىقتار الدىڭعى ورىنعا قويىلادى. جىل سايىن بۇنداي شارالار جاڭا وقۋ ماۋسىمىنىڭ باستاماسى ءارى ستۋدەنتتەر بويىندا ماقتانىش سەزىمىن، بىرلىك پەن بولاشاق قازاقستاندى قۇرۋ ميسسياسىن قالىپتاستىرادى.
