الماتىدا 11-14 قازان ارالىعىندا ساداق اتۋدان قازاقستان رەسپۋبليكاسى كۋبوگىنىڭ IV، قورىتىندى كەزەڭى – QAZAQSTAN ARCHERY CUP FINAL 2026 وتەدى، - دەپ حابارلايدى alnews.
جارىس «ادك» ستاديونىنداعى سپورتتىق-جاتتىعۋ كەشەنىندە ۇيىمداستىرىلادى. ءتورت كۇن بويى سپورتشىلار ەل كۋبوگىنىڭ قورىتىندى كەزەڭىنىڭ جۇلدەلەرى ءۇشىن ب ا ق سىنايدى.
11 قازاندا جارىستىڭ رەسمي اشىلۋ سالتاناتى مەن جاتتىعۋ كەزەڭدەرى وتەدى. 12 قازاندا ىرىكتەۋ سايىستارى ۇيىمداستىرىلسا، 13 قازاندا وليمپيادالىق كەزەڭدەر، جارتىلاي فينالدىق كەزدەسۋلەر جانە قولا مەدال ءۇشىن باسەكەلەر وتەدى. ال 14 قازاندا فينالدىق سايىستار وتكىزىلىپ، جەڭىمپازدار مەن جۇلدەگەرلەردى ماراپاتتاۋ ءراسىمى ۇيىمداستىرىلادى.
بۇقارالىق اقپارات قۇرالدارىنىڭ وكىلدەرىن جارىستى اقپاراتتىق تۇرعىدان جاريالاۋعا شاقىرامىز. جۋرناليستەر ءۇشىن ارنايى باسپا ءسوز ايماعى قاراستىرىلعان. سونداي-اق، فوتو جانە بەينەتۇسىرىلىم جۇرگىزۋگە، سپورتشىلاردان، جاتتىقتىرۋشىلاردان جانە ۇيىمداستىرۋشىلاردان سۇحبات الۋعا مۇمكىندىك بەرىلەدى.
كۇنى: 11-14 قازان 2026 جىل.
ورنى: الماتى ق-سى، اباي داڭعىلى، 159، روزىباكييەۆ كوشەسىنىڭ قيىلىسى، «ادك» ستاديونى، سپورتتىق-جاتتىعۋ كەشەنى.
كورەرمەندەر ءۇشىن كىرۋ تەگىن.
ب ا ق وكىلدەرىنە ارنالعان بايلانىس:
نۇرلىتاڭ مەيىرحان ۇلى
تەل.: +7 747 253 11 38
WhatsApp: +7 702 685 15 20
