الماتى اكىمى دارحان ساتىبالدىنىڭ تاپسىرماسى بويىنشا قالادا قۇرىلىس سالاسىنداعى ءتارتىپتى قامتاماسىز ەتۋگە باعىتتالعان جۇيەلى جۇمىستار جالعاسۋدا، - دەپ حابارلايدى alnews.
باقىلاۋ ءىس-شارالارىنىڭ قورىتىندىسى بويىنشا ءتورت كومپانيا ليسەنزياسىنان ايىرىلدى، تاعى 350 قۇرىلىس كومپانياسىنىڭ ليسەنزياسىنىڭ قولدانىلۋى توقتاتىلدى. سونداي-اق قۇرىلىس قىزمەتىمەن اينالىساتىن 437 سۋبەكتىگە قاتىستى زاڭناماعا سايكەس ءتيىستى شارالار قابىلداندى.
الەۋمەتتىك ماڭىزى بار نىسانداردىڭ قۇرىلىسىن جۇزەگە اسىراتىن مەردىگەر ۇيىمداردىڭ قىزمەتىنە ەرەكشە نازار اۋدارىلدى.
اتاپ ايتقاندا، «SK BEST Spec Story KZ» ج ش س جوبالاۋ قىزمەتىنىڭ ءى ساناتتاعى مەملەكەتتىك ليسەنزياسىنان ايىرىلدى. سونىمەن قاتار «وتاۋ-قۇرمەت» ج ش س مەن «قازقسعزي» اق ەۇ ليسەنزيالارىنان ايىرىلدى. ال «ساۋلەت قۇرىلىس كونسالتينگى» ج ش س ليسەنزياسىنىڭ جەكەلەگەن قوسالقى ءتۇرىنىڭ كۇشى جويىلدى.
قالا قۇرىلىسىن باقىلاۋ باسقارماسىنىڭ وكىلدەرى الماتىدا ءوز بىلىكتىلىگىن دالەلدەي الاتىن، بەلگىلەنگەن تالاپتاردى ساقتايتىن جانە قۇرىلىس جۇمىستارىنىڭ ساپاسىن قامتاماسىز ەتەتىن كومپانيالار عانا جۇمىس ىستەي الاتىنىن اتاپ ءوتتى.
ايتا كەتۋ كەرەك، وتكەن جىلدىڭ قورىتىندىسى بويىنشا سەگىز قۇرىلىس كومپانياسى ليسەنزياسىنان ايىرىلعان بولاتىن. ولاردىڭ باسىم بولىگى الەۋمەتتىك نىسانداردىڭ قۇرىلىسىن جۇزەگە اسىرعان.
