الماتىدۆ 60-تان استام وتاندىق ءوندىرۋشىنىڭ باسىن قوسقان «قازاقستاننىڭ ۇزدىك تاۋارى – 2026» وڭىرلىك بايقاۋ-كورمەسى ءوتتى، - دەپ حابارلايدى alnews.
ءىس-شارا قازاقستاندىق كاسىپورىنداردىڭ جەتىستىكتەرىن تانىستىرۋعا، تاجىريبە الماسۋعا جانە جەرگىلىكتى وندىرۋشىلەردىڭ ونىمدەرىن ىلگەرىلەتۋگە ارنالعان ماڭىزدى الاڭعا اينالدى.
بايقاۋدىڭ اشىلۋ سالتاناتىنا الماتى قالاسى اكىمىنىڭ ورىنباسارى ولجاس سماعۇلوۆ پەن الماتى قالاسى كاسىپكەرلەر پالاتاسى «اتامەكەننىڭ» ديرەكتورى شىڭعىسحان مامانوۆ قاتىستى. ولار وتاندىق وندىرۋشىلەردى مەملەكەتتىك قولداۋدىڭ، ءونىم ساپاسىن ارتتىرۋدىڭ جانە باسەكەگە قابىلەتتى بيزنەستى دامىتۋدىڭ ماڭىزدىلىعىن اتاپ ءوتتى.
كۇنى بويى قاتىسۋشىلار الماتىدا وندىرىلگەن ءتۇرلى ونىمدەردى كوپشىلىك نازارىنا ۇسىندى. بايقاۋ قورىتىندىسى بويىنشا ءۇش نوميناسيادا جەڭىمپازدار انىقتالدى.
«ۇزدىك ازىق-تۇلىك تاۋارلارى» نوميناسياسىندا I ورىن – «Qulpynai Production» ج ش س، II ورىن – «كومپانيا «كامەرتون» ج ش س، ال III ورىن – «لوتتە راحات» اق الدى.
«وندىرىستىك ماقساتتاعى ۇزدىك تاۋارلار» نوميناسياسىندا I ورىن – «بسف» ج ش س، II ورىن – «كونسەرن Bakarassov» ج ش س، ال III ورىن – «سك راحات» ج ش س يەلەندى.
«حالىققا ارنالعان ۇزدىك تاۋارلار» نوميناسياسىندا I ورىن – «قازاقستاندىق قۇبىر جۇيەلەرى» ج ش س، II ورىن – «جيگالما» ج ش س، ال III ورىن – «Hyundai Trans Kazakhstan» جشس-نە بۇيىردى.
وڭىرلىك كەزەڭنىڭ جەڭىمپازدارى ەندى الماتىنىڭ اتىنان «قازاقستاننىڭ ۇزدىك تاۋارى – 2026» رەسپۋبليكالىق بايقاۋىنا قاتىسىپ، ەلىمىزدىڭ ۇزدىك ءوندىرۋشىسى اتاعى ءۇشىن ب ا ق سىنايدى.
