الماتىدا قازاقستان كينەماتوگرافياسىنىڭ تاريحىنا ارنالعان جاڭا قوعامدىق كەڭىستىكتىڭ تۇجىرىمداماسى ازىرلەنىپ جاتىر، - دەپ حابارلايدى alnews.
«قازاقفيلم» كينەماتوگرافيالىق پاركىن سەرۋەندەۋگە، دەمالۋعا جانە وتاندىق كينو ونەرىمەن تانىسۋعا ارنالعان زاماناۋي ورىن رەتىندە قۇرۋ جوسپارلانىپ وتىر. بۇل تۋرالى قالانىڭ قوعامدىق كەڭىستىكتەردى دامىتۋ باسقارماسىنىڭ وكىلدەرى حابارلادى.
تۇجىرىمدامانىڭ نەگىزىنە قازاقستان كينوسىنىڭ تاريحىن قالالىق ورتامەن ۇيلەستىرۋ يدەياسى الىنعان. كەڭىستىكتە بىرنەشە تاقىرىپتىق ايماق قۇرۋ كوزدەلگەن. ولاردىڭ ءارقايسىسى كەلۋشىلەردى وتاندىق كينەماتوگرافيانىڭ ءار كەزەڭدەگى دامۋ تاريحىمەن تانىستىرادى.
جوبا اياسىندا سەرۋەندەۋگە ارنالعان اللەيالار، ينتەراكتيۆتى جانە مۋلتيمەديالىق ينستاللياسيالار، اشىق اسپان استىندا فيلمدەر كورسەتۋگە ارنالعان امفيتەاتر، بالالار الاڭى مەن دەمالىس ايماقتارىن سالۋ قاراستىرىلعان.
قازاقستان كينوسىنىڭ تاريحىن ۆيزۋالدى ەلەمەنتتەر ارقىلى عانا ەمەس، زاماناۋي ينتەراكتيۆتى فورماتتار ارقىلى دا تانىستىرۋ كوزدەلىپ وتىر. بۇل كەلۋشىلەرگە كينەماتوگرافيانىڭ دامۋ جولىمەن، ايتۋلى تۋىندىلارمەن جانە ەلىمىزدىڭ مادەني مۇراسىمەن قولجەتىمدى ءارى زاماناۋي فورماتتا تانىسۋعا مۇمكىندىك بەرەدى.
كينەماتوگرافيالىق پارك مادەنيەت پەن قالا ءومىرىن توعىستىراتىن كەڭىستىك رەتىندە قاراستىرىلعان. مۇندا وتاندىق فيلمدەردىڭ كورسەتىلىمدەرىن، تاقىرىپتىق كەزدەسۋلەر مەن ءتۇرلى مادەني ءىس-شارالاردى ۇيىمداستىرۋ جوسپارلانعان.
