الماتىدا قالا كۇنىنە وراي 32 تۇرگە جاتاتىن 1،5 مىڭعا جۋىق جاڭا وسىمدىك ەگىلەدى، - دەپ حابارلايدى alnews.
قالاعا بيىكتىگى 3،5 مەترگە دەيىن جەتەتىن ءىرى اعاشتار، ساندىك ءپىشىن بەرىلگەن قىلقانجاپىراقتى اعاشتار، ءدىڭى قالىپتاستىرىلعان وسىمدىكتەر، بۇتالار مەن گۇلدەيتىن كوپجىلدىق وسىمدىكتەر جەتكىزىلدى. بۇل جونىندە الماتى قالاسى ەكولوگيا جانە قورشاعان ورتا باسقارماسىنىڭ وكىلدەرى حابارلادى.
ولاردىڭ اراسىندا بۇتاقتارى بىرنەشە دەڭگەيلى ەتىپ قالىپتاستىرىلعان ەرەسەك اعاشتار ەرەكشە كوزگە تۇسەدى. كەيبىرىنە ب ا ق بونسايى ستيلىندە ساندىك ءپىشىن بەرىلگەن. اعاشتاردىڭ ايرىقشا ءپىشىنى الدىن الا قالىپتاستىرىلىپ، كەيىن وسكەن سايىن ساقتالىپ وتىرادى.
وسىمدىكتەردىڭ قاتارىندا ءۇندى لاگەرسترەمياسى، قارا قاراعاي، شاشاقتى گورتەنزيا، راۋشان، ءبورىقاراقات، كۇڭگىرت قىزىلكۇرەڭ، سالبەن، نارقايسار جانە باسقا دا ساندىك وسىمدىكتەر بار.
الماتىعا ارنالعان وسىمدىكتەردىڭ تۇرلەرى قىتايلىق ماماندارمەن بىرلەسىپ ىرىكتەلدى. وسىمدىكتەردى تاڭداۋدان بۇرىن قالانىڭ كليماتتىق ەرەكشەلىكتەرى، تەمپەراتۋرانىڭ اۋىتقۋى جانە قىستاپ شىعۋ جاعدايلارى زەرتتەلدى. سونىڭ ناتيجەسىندە جەرگىلىكتى كليماتقا بەيىمدەلۋ مۇمكىندىگى ەسكەرىلىپ، قولايلى وسىمدىك تۇرلەرى مەن سۇرىپتارى تاڭدالدى.
جاقىندا جاڭا وسىمدىكتەردى قالا اۋماعىنا وتىرعىزۋ جۇمىستارى باستالادى.
