ەلىمىزدىڭ ەڭ ءىرى مەگاپوليسى الماتى قالاسىن سۋمەن قامتاماسىز ەتۋ ءوز الدىنا كۇردەلى ماسەلە سانالادى. حالىق سانىنىڭ جىل سايىن كوبەيىپ كەلە جاتۋىنا، قالا اۋماعىنىڭ كەڭەيۋىنە جانە جاڭا تۇرعىن ۇيلەر سانىنىن وسۋىنە بايلانىستى قالانى سۋمەن قامتاماسىز ەتۋ ماسەلەسىدە ستراتەگيالىق ءىس-قيمىلداردى تالاپ ەتە باستادى. پرەزيدەنت قاسىم-جومارت توقايەۆ تا شاھارداعى سۋ شارۋاشىلعىنا قاتىستى ماسەلەلەردى وڭتايلى شەشۋدى، ونى قالانىڭ بولاشاق دامۋ جوسپارىندا باستى نازارعا ۇستاۋدى ايرىقشا تاپسىرعان بولاتىن. اسىرەسە ينجەنەرلىك جانە الەۋمەتتىك ينفراقۇرىلىمدى جاڭعىرتۋ، كاسىپكەرلىكتى قولداۋ جانە يندۋستريالىق نەگىزدى نىعايتۋ جونىندەگى تاپسىرمالارىندا دا اۋىز سۋ ماسەلەسى باستى نازارعا الىنعان.
الماتى قالاسىن سۋمەن قامتاماسىز ەتۋ 6 نەگىزگى سۋ كوزى ارقىلى جۇزەگە اسىپ كەلە جاتىر. ايتالىق، ۇلكەن جانە كىشى الماتى، اقساي، قارعالى وزەندەرىنەن جانە الماتى مەن تالعار كەن ورىندارىنىڭ جەراستى سۋ جيناعىشى ارقىلى سۋمەن قامتاماسىز ەتىلەدى. بيىل تالعار جەراستى سۋ جيناعىشىن كەڭەيتىپ، قۋاتىن 60 پايىزعا دەيىن ارتتىرۋ ماقساتىنداعى قۇرىلىستار قارقىندى جۇرگىزىلدى. قۇرىلىستىڭ جالپى بارىسىن الماتى اكىمدىگى عانا ەمەس، ۇكىمەت پەن پرەزيدەنت اكىمشىلىگى دە ءوز قاداعالاۋىنا العان.
قالا تۇرعىندارىن سۋمەن تۇراقتى ءارى جەتكىلىكتى دەڭگەيدە قامتاماسىز ەتۋ ماقساتىندا تالعار جەراستى سۋ جيناعىشىنان تاۋلىگىنە 17 مىڭ م3 كولەمىندە سۋ قولدانىستاعى جەلىلەر تولىقتىرىپ وتىرادى. جوبا قۋاتتىلىعى 15 مىڭ م3 بولاتىن جاڭا 6 ۇڭعىما سالۋدى جانە قۋاتتىلىقتى 60%-عا ارتتىرا وتىرىپ، 6 سورعى ستانساسىنداعى 14 سورعىنى تولىق اۋىستىرۋدى كوزدەيدى.
اتالعان جوبا قالانى سۋمەن قامتاماسىز ەتۋدەگى جەر ءۇستى سۋلارىنا دەگەن تاۋەلدىلىكتى قىسقارتۋ ماقساتىندا جاسالعان ماڭىزدى جوبالاردىڭ ءبىرى. مەملەكەت باسشىسى ءوزىنىڭ الماتىداعى جۇمىس ساپارى كەزىندە جەر ءۇستى سۋلارىنا دەگەن تاۋەلدىلىكتى بارىنشا قىسقارتۋ بويىنشا ناقتى تاپسىرمالار دا بەرگەن. ايتالىق بىلتىر 18 تامىزداعى الماتى قالاسىن دامىتۋ ماسەلەلەرى جونىندەگى كەڭەستە سەلدىڭ كوبەيۋى جانە وزەن سۋى لايلانۋىنىڭ ارتۋىنا بايلانىستى پرەزيدەنت قالانىڭ جوعارعى بولىگىنە اۋىز سۋ بەرۋدى شەكتەمەۋ ءۇشىن كەشەندى جۇمىستار جاسالۋىن تاپسىرعان.
بارلىق قالا تۇرعىندارىن ورتالىقتاندىرعان سۋمەن قامتۋ بويىنشا دا كەشەندى جۇمىستار جۇرىگىزىلىپ كەلەدى. بىلتىر وسى ماقساتتا 117 شاقىرىم سۋ قۇبىرى سالىنىپ، 46 شاقىرىمى جاڭعىرتىلدى، بۇل الماتى تۇرعىندارىنىڭ 99،3%-ىن ورتالىقتاندىرىلعان سۋمەن قامتاماسىز ەتۋگە مۇمكىندىك بەردى. الاتاۋ، بوستاندىق جانە ناۋرىزباي اۋداندارىنىڭ تۇرعىندارىن سۋمەن قامتۋ ماسەلەسىن شەشۋ ءۇشىن 4 سۋ جيناعىش قۇرىلىسى مەن جوباسى جۇرگىزىلۋدە. بيىل 142 شاقىرىم ينجەنەرلىك كوممۋنيكاسيا سالۋ جانە 48 شاقىرىم جەلىنى جوندەۋ جوسپارلانعان. قابىلدانعان شارالار جىل سوڭىنا دەيىن تۇرعىنداردىڭ 99،6%-ىن ورتالىق سۋمەن قامتۋعا جانە جەلىلەردىڭ توزۋ دەڭگەيىن 53،8%-عا دەيىن تومەندەتۋگە مۇمكىندىك بەرەدى.
The Alnews
