№4 قالالىق كلينيكالىق اۋرۋحانا بازاسىندا اۋىر جاراقات العان جانە تىرەك-قيمىل اپپاراتى اۋرۋلارى بار پاسيەنتتەرگە كومەك كورسەتۋگە ارنالعان مامانداندىرىلعان ورتالىق قۇرىلدى، - دەپ حابارلايدى alnews.
ورتالىق شۇعىل دياگنوستيكادان جانە جوعارى تەحنولوگيالىق وتادان باستاپ، قالپىنا كەلتىرۋ مەن مەديسينالىق وڭالتۋعا دەيىنگى كومەكتىڭ تولىق سيكلىن قامتاماسىز ەتۋگە مۇمكىندىك بەرەدى. ەمدەۋ تمككك جانە ءمامس اياسىندا جۇرگىزىلەدى.
مۇندا اۋىر جاراقاتتار مەن سىنىقتار كەزىندە كۇردەلى ءارى جوعارى تەحنولوگيالىق وتا جاسالىپ، ەندوپروتەزدەۋ، رەكونسترۋكتيۆتى جانە از ءينۆازيۆتى ارالاسۋلار جۇرگىزىلەدى. سونداي-اق زاقىمدانعان سۇيەكتەر مەن بۋىنداردى قالپىنا كەلتىرۋ جۇمىستارى اتقارىلادى.
«وڭىرلىك تراۆماتولوگيا جانە ورتوپەديا ورتالىعىنىڭ قۇرىلۋى جاراقاتتار مەن تىرەك-قيمىل اپپاراتى اۋرۋلارىن دياگنوستيكالاۋ جانە ەمدەۋدىڭ زاماناۋي تاسىلدەرىن بىرىكتىرۋگە، مامانداندىرىلعان كومەكتىڭ قولجەتىمدىلىگىن ارتتىرۋعا جانە مەديسينالىق قىزمەتتىڭ بارلىق دەڭگەيىندە ەمدەۋ ساباقتاستىعىن قامتاماسىز ەتۋگە مۇمكىندىك بەرەدى»، — دەدى ورتالىقتىڭ اشىلۋىنا قاتىسقان الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى مارات پاشيموۆ.
ورتالىق مامانداردى وقىتۋ جانە ولاردىڭ بىلىكتىلىگىن ارتتىرۋ، سونداي-اق عىلىمي-زەرتتەۋ جۇمىستارىن جۇرگىزۋ الاڭىنا اينالادى.
№4 قالالىق كلينيكالىق اۋرۋحانا جىل سايىن 19 مىڭنان استام پاسيەنت قابىلدايدى، مۇندا شامامەن 12 مىڭ وتا جاسالادى. 2025 جىلى ءىرى بۋىنداردى ەندوپروتەزدەۋ بويىنشا 2250 وتا جاسالعان.
ورتالىقتى قۇرۋ اياسىندا قابىلداۋ ءبولىمىنىڭ تۇجىرىمداماسى تولىعىمەن جاڭارتىلىپ، الماتى قالاسى مەن الماتى وبلىسىنىڭ تراۆماتولوگيالىق قىزمەتتەرى اراسىنداعى ۇيلەستىرۋ كۇشەيتىلدى.
№4 قالالىق كلينيكالىق اۋرۋحانا اۋماعىندا قالا ستاسيونارلارىنىڭ اراسىندا جالعىز تىكۇشاق الاڭى جۇمىس ىستەيدى. ول اۋىر جاراقات العان پاسيەنتتەردى، سونىڭ ىشىندە تجم قۇتقارۋشىلارى تاۋلى جانە جەتۋى قيىن ايماقتاردان ەۆاكۋاسيالاعان ادامداردى جەدەل جەتكىزۋگە مۇمكىندىك بەرەدى.
ورتالىق قۇرۋ باستاماسى بۇعان دەيىن جاراقاتتانۋ، جەدەل مەديسينالىق كومەك جانە مەديسينالىق اۆياسيا ماسەلەلەرى جونىندەگى ۇيلەستىرۋ كەڭەسىنىڭ وڭ باعاسىن العان.
ورتالىقتىڭ اشىلۋى اياسىندا سەرىكتەس بانك №4 قالالىق كلينيكالىق اۋرۋحاناعا جاڭا جەدەل جاردەم اۆتوكولىگىن تابىستادى.
