الماتىدا جول قوزعالىسىن ۇيىمداستىرۋدى جەتىلدىرۋ جۇمىستارى جالعاسۋدا. بيىلعى 1 تامىزدان باستاپ ناۋرىزباي باتىر كوشەسىنىڭ رايىمبەك داڭعىلىنان اباي داڭعىلى ارالىعىندا كولىك قوزعالىسىنىڭ جاڭا سىزباسى ەنگىزىلەدى، - دەپ حابارلايدى alnews.
جوبا اياسىندا كوشەدە وقشاۋلانعان ۆەلوسيپەد جولاعى سالىنادى. بۇل تۋرالى قالالىق جول قوزعالىسى جانە جولاۋشىلار كولىگىن ۇيىمداستىرۋ باسقارماسىنىڭ وكىلدەرى ايتتى.
جۇرگىزىلەتىن جۇمىستار اياسىندا قوعامدىق كولىككە ارنالعان ارنايى جولاق الىنىپ تاستالادى. اۆتوبۋس باعىتتارى جەلتوقسان كوشەسىنە اۋىستىرىلىپ، ناۋرىزباي باتىر كوشەسىندە ۆەلوجولاق ۇيىمداستىرىلادى.
جاڭا شەشىم ۆەلوسيپەدشىلەردىڭ قاۋىپسىزدىگىن ارتتىرۋعا، قالاداعى ۆەلوسيپەد جەلىسىن دامىتۋعا جانە كولىك لەگىن ءتيىمدى ۇيىمداستىرۋعا مۇمكىندىك بەرەدى.
وسىعان بايلانىستى جۇرگىزۋشىلەر مەن جول قوزعالىسىنا قاتىسۋشىلاردان وزگەرىستى الدىن الا ەسكەرىپ، باعىتىن جاڭا قوزعالىس سىزباسىنا ساي جوسپارلاۋ، سونداي-اق جول بەلگىلەرى مەن تاڭبالارىنىڭ تالابىن ساقتاۋ سۇرالادى.
