الماتىنىڭ مەدەۋ اۋدانىندا مەديسينا قىزمەتكەرلەرى اللەياسىن كوركەيتۋ جۇمىستارى اياقتالدى. جوبا «حالىق قاتىساتىن بيۋدجەت» باعدارلاماسى اياسىندا جۇزەگە اسىرىلدى، - دەپ حابارلايدى alnews.
قايتا جاڭعىرتۋ بارىسىندا قوعامدىق كەڭىستىكتە جالپى اۋماعى 320 شارشى مەتر بولاتىن جاڭا تاس توسەلگەن جۇرگىنشىلەر جولدارى سالىندى. سونداي-اق، قورشاۋلار ورناتىلىپ، زاماناۋي سىرتقى جارىقتاندىرۋ جۇيەسى، كوشە شامدارى، ورىندىقتار مەن قوقىس جاشىكتەرى قويىلدى.
اۋماقتى كوگالداندىرۋعا ەرەكشە كوڭىل ءبولىندى. مۇندا 2،7 مىڭ شارشى مەتر اۋماققا كوگال ەگىلدى جانە 260 بۇتا وتىرعىزىلدى. اتقارىلعان جۇمىستار تۇرعىنداردىڭ سەرۋەندەۋى مەن دەمالۋىنا قولايلى، ءقاۋىپسىز ءارى كورىكتى قوعامدىق كەڭىستىك قالىپتاستىرۋعا مۇمكىندىك بەردى.
ەسكە سالا كەتەيىك، «حالىق قاتىساتىن بيۋدجەت» باعدارلاماسى تۇرعىنداردىڭ باستامالارى مەن ۇسىنىستارىن ەسكەرە وتىرىپ، قالا اۋماعىن كوركەيتۋگە مۇمكىندىك بەرەدى.
