الماتىدا جىلۋ ەنەرگياسىن تۇتىنۋشىلارعا ارنالعان «قارىزدى وتەپ، ءوسىمپۇلدان قۇتىل!» اكسياسى باستالدى. اكسيا اياسىندا تۇرعىندار جىلۋ جانە ىستىق سۋمەن جابدىقتاۋ قىزمەتتەرى ءۇشىن نەگىزگى قارىزىن تولىق وتەگەن جاعدايدا ەسەپتەلگەن ءوسىمپۇلدان بوساتىلادى. بۇل تۋرالى «الماتى جىلۋ جۇيەسى» ج ش س وكىلدەرى حابارلادى.
سونىمەن قاتار بۇل مۇمكىندىك بورىشكەرلەردىڭ مۇلكىنە جانە بانك شوتتارىنا قويىلعان تىيىمدار مەن شەكتەۋلەردى الىپ تاستاۋعا دا جول اشادى.
اكسياعا قاتىسۋ ءۇشىن بيىل تامىز ايىنان جەلتوقساننىڭ سوڭىنا دەيىن نەگىزگى قارىزدى تولىق وتەۋ قاجەت. ودان كەيىن «الماتى جىلۋ جۇيەسى» جشس-نە ءوتىنىش، eGov mobile ارقىلى الىنعان جەكە كۋالىكتىڭ سيفرلىق نۇسقاسى جانە نەگىزگى قارىزدىڭ تولەنگەنىن راستايتىن قۇجاتتى (كاسسالىق چەك) info@alts.kz ەلەكتروندىق پوشتاسىنا جولداۋ قاجەت نەمەسە تۇرعىلىقتى جەرى بويىنشا تۇتىنۋشىلارعا قىزمەت كورسەتۋ ورتالىقتارىنىڭ بىرىنە جۇگىنۋ كەرەك.
بەرەشەك مولشەرى نەمەسە جىلۋ ەنەرگياسى ءۇشىن ەسەپتەلگەن تولەمدەر بويىنشا كەڭەس الۋ ءۇشىن «الماتى جىلۋ جۇيەسى» انىقتاما قىزمەتىنىڭ 341-07-77 نومىرىنە حابارلاسۋعا بولادى. سونداي-اق، +7 (775) 990-50-63 WhatsApp ءنومىرى جۇمىس ىستەيدى (تەك حابارلاما قابىلدايدى).
بەرەشەك بەلگىلەنگەن مەرزىمدە وتەلمەگەن جاعدايدا تۇتىنۋشىلار جىلۋمەن جابدىقتاۋ قىزمەتىنەن اجىراتىلىپ، قارىز سوت تارتىبىمەن وندىرىلەدى.
