الماتىدا قالانىڭ اتموسفەرالىق اۋاسىنىڭ لاستانۋىنا اسەر ەتەتىن نەگىزگى فاكتورلاردىڭ ءبىرى اۆتوكولىكتەن شىعاتىن زياندى قالدىقتاردى باقىلاۋ جۇمىستارى جالعاسۋدا، - دەپ حابارلايدى alnews.
Eco Almaty وكىلدەرىنىڭ مالىمەتىنشە، 2026 جىلدىڭ باسىنان بەرى جۇرگىزىلگەن مونيتورينگ بارىسىندا 5 496 اۆتوكولىك تەكسەرىلگەن. ونىڭ 1 301-ىنەن، ياعني تەكسەرىلگەن ءار ءتورتىنشى كولىكتىڭ دەرلىك بىرىنەن، پايدالانىلعان گازدار قۇرامىنداعى زياندى زاتتاردىڭ بەلگىلەنگەن نورماتيۆتەردەن اسىپ كەتكەنى انىقتالدى.
انىقتالعان زاڭ بۇزۋشىلىقتار بويىنشا اكىمشىلىك حاتتامالار تولتىرىلدى.
الماتىدا اۆتوكولىك شىعارىندىلارىن باقىلاۋ قالا اۋاسىن قورعاۋ قاعيدالارى اياسىندا تۇراقتى تۇردە جۇرگىزىلەدى. ونىڭ نەگىزگى ماقساتى – بەلگىلەنگەن ەكولوگيالىق تالاپتارعا سايكەس كەلمەيتىن كولىكتەردى انىقتاۋ.
