2024 جىلى الماتىدا ماگيسترالدى كوشەلەردە 45 كم سىرتقى جارىقتاندىرۋ جەلىلەرى جوندەلدى، - دەپ حابارلايدى alnews.
جۇمىس بارىسىندا زاقىمدانعان جەلىلەر قالپىنا كەلتىرىلىپ، كۇيىپ كەتكەن شامدار اۋىستىرىلدى. سونداي-اق، جاڭا كابەل تارتىلدى.
تەك قازان ايىندا دوستىق، رىسقۇلوۆ جانە ءال-فارابي داڭعىلدارىندا، كەرەي-جانىبەك حاندار، بۇقتىرما جانە مايلين كوشەلەرىندە، سونداي-اق شىعىس اينالما اۆتوموبيل جولىندا (شااج) 700-دەن استام جۇمىس ىستەمەيتىن شام اۋىستىرىلدى.
وسى ۋاقىتتا ءال-فارابي داڭعىلىنىڭ روزىباكييەۆ، جاروكوۆ، دۋلاتي، سەيفۋللين، نازاربايەۆ، دوستىق كوشەلەرى جانە شااج قيىلىسىنداعى اۆتوموبيل توننەلدەرى مەن كوپىرلەر تولىق جارىقتاندىرىلدى. بۇل ۋچاسكەلەردە 220 ەسكى شام، ونىڭ ىشىندە كۇيىپ كەتكەندەرى، جاڭا سۆەتوديودتى پروجەكتورلارعا اۋىستىرىلدى.
«الماتى قالا جارىق» باس ينجەنەرى المۇحامەد جالپاقوۆ الماتىلىقتاردى ساپالى سىرتقى جارىقتاندىرۋمەن قامتاماسىز ەتۋ جۇمىستارى تەك ماگيسترالدى كوشەلەردە ەمەس، قالانىڭ بارلىق جەرىندە جۇرگىزىلۋدە ەكەندىگىن اتاپ ءوتتى. ونىڭ ايتۋىنشا، كوشەلەردىڭ كاتەگورياسىنا قاراماستان، جوندەۋ بريگادالارى بارلىق تۇسكەن شاقىرۋلارعا بىردەي جىلدامدىقپەن جاۋاپ بەرەدى.
«مىسالى، جاقىندا جەتىسۋ اۋدانىنداعى كوكجيەك ىقشام اۋدانىندا 120 شام، المالى اۋدانىنداعى برۋسيلوۆسكيي كوشەسىندە 90 شام، الاتاۋ اۋدانىندا دوسمانوۆ كوشەسىندە 80 جاڭا شام ورناتىلدى»، - دەدى جالپاقوۆ.
جالپى، جىلدىڭ باسىنان بەرى الماتىدا 30 مىڭنان استام شام اۋىستىرىلىپ، 300 كم-دەن استام كابەل تارتىلدى. قالانىڭ كوشەلەرى ماڭىزىنا قاراي ءۇش كاتەگورياعا بولىنەدى. «ا» كاتەگورياسىنا قالاارالىق ماڭىزى بار ماگيسترالدى جولدار مەن كوشەلەر (داڭعىلدار) جانە ولاردىڭ بويىنداعى جاياۋ جۇرگىنشىلەر ايماقتارى جاتادى. بۇلارعا قۇلجا جانە ىلە تاس جولدارى، شااج، ءال-فارابي، رىسقۇلوۆ، اباي، دوستىق، نازاربايەۆ، سەيفۋللين، ابىلاي حان، ءسۇيىنباي، مايلين، سايىن، تيميريازيەۆ، بۇقتىرما كوشەلەرى جانە باسقالارى كىرەدى.
«ب» كاتەگورياسىنا جۇك قوزعالىسىنا ارنالعان جولدار مەن اۋداندىق ماڭىزى بار كوشەلەر جاتادى. بۇل تىزىمگە قابانباي باتىر، اۋەزوۆ، قونايەۆ، قالداياقوۆ، گاگارين، روزىباكييەۆ، شالياپين، حاليۋللين، ماقاتايەۆ، بايتۇرسىنوۆ، مۇستافين، دۋلاتي، مومىش ۇلى جانە ت.ب. كوشەلەر مەن داڭعىلدار كىرەدى.
«ۆ» كاتەگورياسىنا جەرگىلىكتى ماڭىزى بار جولدار مەن كوشەلەر، اۋلالىق اۋماقتار مەن ىشكى اۋلالىق وتپەلەر، ساياباقتار مەن ب ا ق وبەكتىلەرى جاتادى.
قۇرىلىس نورمالارى ءار كاتەگورياداعى كوشەلەر ءۇشىن جارىقتاندىرۋدىڭ بەلگىلى كورسەتكىشتەرىن قاراستىرادى. مىسالى، «ا» كاتەگورياسىنداعى وبەكتىلەردە 15-20 ليۋكس، «ب» كاتەگورياسىندا 10-15 ليۋكس، «ۆ» كاتەگورياسىندا 5-10 ليۋكس بولۋى ءتيىس. اقج وسى نورمالاردىڭ قالادا ساقتالۋىن قاتاڭ باقىلاۋدا ۇستايدى.
