2026 جىلعى 3 قاڭتار مەن 30 ماۋسىم ارالىعىندا «Eco Almaty» ج ش س ماماندارى الماتىداعى اۆتوبۋس پاركتەرىن قايتا تەكسەردى، - دەپ حابارلايدى alnews.
ەسەپتە تۇرعان 2 525 اۆتوبۋستىڭ 1 407ء-سى تەكسەرىلدى. مونيتورينگ قورىتىندىسى بويىنشا 596 اۆتوبۋستا پايدالانىلعان گازداردىڭ ۋىتتىلىعى مەن ءتۇتىن شىعارۋ دەڭگەيى بەلگىلەنگەن نورمادان اسقانى انىقتالدى. ونىڭ ىشىندە 150 اۆتوبۋس ديزەلدى، ال 446 اۆتوبۋس گاز قوزعالتقىشىمەن جابدىقتالعان.
«Eco Almaty» ج ش س ماماندارىنىڭ ايتۋىنشا، تەكسەرۋلەر اتموسفەرالىق اۋانى قورعاۋ قاعيدالارىن ىسكە اسىرۋ اياسىندا تۇراقتى تۇردە جۇرگىزىلەدى. بۇل جۇمىستاردىڭ باستى ماقساتى – قوعامدىق كولىكتەردەن بولىنەتىن زياندى زاتتاردىڭ كولەمىن ازايتۋ.
