الماتى قالاسى مادەنيەت باسقارماسى قازاقستاننىڭ بارلىق وڭىرىندەگى كاسىبي سۋرەتشىلەردى «اجارلى الماتى!» رەسپۋبليكالىق سۋرەتشىلەر بايقاۋىنا قاتىسۋعا شاقىرادى.
بايقاۋ بەينەلەۋ ونەرىن دامىتۋعا، سۋرەتشىلەردىڭ شىعارماشىلىق قىزمەتىن قولداۋعا، سونداي-اق بەينەلەۋ ونەرى تۋىندىلارى ارقىلى الماتىنىڭ تاريحي، مادەني جانە تابيعي كەلبەتىن كەڭىنەن ناسيحاتتاۋعا باعىتتالعان.
بايقاۋعا ۇلتىنا، جاسىنا جانە تۇرعىلىقتى جەرىنە قاراماستان، كوركەمسۋرەت ءبىلىمى (ارناۋلى ورتا نەمەسە جوعارى) بار قازاقستان رەسپۋبليكاسىنىڭ كاسىبي سۋرەتشىلەرى قاتىسا الادى.
نەگىزگى تالاپتار:
- بايقاۋ جۇمىستارى تومەندەگى تاقىرىپتاردىڭ بىرىنە سايكەس كەلۋگە ءتيىس:
– الماتىنىڭ تاريحي جانە زاماناۋي كەلبەتى؛
– الماتىنىڭ تابيعاتى، كورىكتى جەرلەرى جانە ساۋلەت مۇراسى؛
– الماتىنىڭ مادەنيەتى، ونەرى جانە قوعامدىق ءومىرى. - جۇمىستار كەسكىندەمە (مايلى بوياۋ، اكريل، تەمپەرا، اكۆارەل)، گرافيكا جانە ارالاس تەحنيكادا قابىلدانادى.
- جۇمىستىڭ ەڭ تومەنگى ولشەمى – 70 × 80 سم.
- بايقاۋعا بۇعان دەيىن كورمەدە قويىلماعان، بايقاۋعا قاتىسپاعان جانە ەشقانداي باسىلىمدا جاريالانباعان ءتۇپنۇسقا اۆتورلىق تۋىندىلار عانا قابىلدانادى.
وتىنىمدەر مەن بايقاۋ ماتەريالدارى 2026 جىلى 7 تامىز بەن 7 قىركۇيەك ارالىعىندا azharlyalmaty@gmail.com ەلەكتروندىق پوشتاسى ارقىلى قابىلدانادى.
جۇلدە قورى:
ءى ورىن — 3 000 000 تەڭگە
ءىى ورىن — 2 جەڭىمپازعا 2 000 000 تەڭگەدەن
ءىىى ورىن — 2 جەڭىمپازعا 1 000 000 تەڭگەدەن
5 ىنتالاندىرۋ سىيلىعى — ءارقايسىسى 300 000 تەڭگەدەن.
جەڭىمپازداردى سالتاناتتى ماراپاتتاۋ ءراسىمى 2026 جىلى قىركۇيەكتە الماتى قالاسى كۇنىنە وراي وتەدى. بايقاۋدىڭ ۇزدىك تۋىندىلارى قورىتىندى كورمەدە ۇسىنىلادى.
بايقاۋ تۋرالى تولىق ەرەجەمەن مىنا سىلتەمە ارقىلى تانىسۋعا بولادى:
https://www.gov.kz/memleket/entities/almaty-madeniet/documents/details/1051625؟lang=ru
