2 قاراشادان باستاپ الماتى تۇرعىندارى «جاسىل اۋلا» اكسياسى اياسىندا 10 تۇپكە دەيىن جاپىراقتى اعاش كوشەتىن تەگىن الۋعا ءوتىنىم بەرە الادى، - دەپ حابارلايدى alnews.
كوشەتتەر كوپقاباتتى تۇرعىن ۇيلەردىڭ اۋلاسىن جانە باسقا دا قوعامدىق اۋماقتاردى كوگالداندىرۋعا ارنالعان. بۇل تۋرالى الماتى قالاسى ەكولوگيا جانە قورشاعان ورتا باسقارماسىنىڭ وكىلدەرى حابارلادى.
اكسياعا قاتىسۋشىلار ەگىلگەن اعاشتارعا ءۇش جىل بويى كۇتىم جاساۋ مىندەتتەمەسىن الۋعا ءتيىس.
ءوتىنىم 2026 جىلى 2-15 قاراشا ارالىعىندا zhasyl.aula2026@mail.ru ەلەكتروندىق پوشتاسى ارقىلى قابىلدانادى.
اكسياعا قاتىسۋ ءۇشىن وتىنىمدە ءاتى-جونىن، بايلانىس دەرەكتەرىن، اعاش ەگىلەتىن جەردىڭ ناقتى مەكەنجايىن جانە قاجەتتى كوشەتتەر سانىن كورسەتۋ قاجەت. سونداي-اق ماماندار وتىرعىزۋ ورنىن باعالاي الۋى ءۇشىن تاڭدالعان اۋماقتىڭ بىرنەشە فوتوسۋرەتىن، مۇمكىندىگىنشە پانورامالىق تۇسىرىلىمدەرىن قوسا تىركەۋ كەرەك. فوتوسۋرەتى جوق ءوتىنىم قارالمايدى.
كوشەتتەردى تاراتۋ 21-22 قاراشا كۇندەرى تاجىبايەۆ كوشەسى، 155ا مەكەنجايىندا جوسپارلانعان.
اعاشتاردى وتىرعىزعاننان كەيىن قاتىسۋشىلار ەگىلگەن كوشەتتەر تۋرالى فوتوەسەپ جولداۋى قاجەت.
اكسيا جەكە تۇرعىن ءۇي قۇرىلىسى اۋماقتارىنداعى ۇيلەردىڭ تۇرعىندارىنا، سونداي-اق زاڭدى تۇلعالارعا ارنالماعان.
قوسىمشا اقپاراتتى الماتى قالاسى ەكولوگيا جانە قورشاعان ورتا باسقارماسىنىڭ جاسىل قوردى مونيتورينگتەۋ جانە باسقارۋ بولىمىنەن +7 747 181 06 47 تەلەفونى ارقىلى الۋعا بولادى (جۇمىس كۇندەرى ساعات 09:00-دەن 18:00-گە دەيىن).
